開餐 (已結業)

同朋友去食飯，食咗個酸菜魚片湯河，味道還可以，辣度一粒星，魚片夠滑冇骨碎，數量5-6塊，唔算多，中規中矩。配菜嘅芽菜較少，如果多d較爽口。重點酸菜唔酸，少同碎，湯有鹹香味嘅，但冇咗酸菜魚個酸菜靈魂係爭咗d，如果可以再酸好多，相信味道更加突出，更加好食，酸菜都要多，冇酸菜突出唔到酸菜魚精髓。酸菜魚要酸辣鹹先最好，依家得鹹同辣，冇咗酸。少少鹹少少辣多多酸先係最好食嘅酸菜魚片！最後，河粉浸得太耐，散曬，要用粗河粉煮先好食，會索曬湯嘅精華，又好食又有咬口，咁就最完美。飲品得返牛蒡茶，雖然失望，但還好。