桃李 (已結業)

呢次去食飯為左補祝細妹生日,同佢食番餐生日飯!佢話要睇海景,但想食中菜..我都諗唔到邊到有!最後就決定左黎日航既桃李la,平時都好少去酒店食飯,自己都係第一次黎!一時失策,唔記得book窗邊位,入到去被帶左左去d牆邊位..阿妹一坐低就話點解無得坐窗邊位架,正諗住話唔緊要既時候,個部長可能聽到妹妹既說話,就好主動咁話幫我地調去窗邊位!真好!滿足晒妹妹啦!不過自己都好喜歡,因為呢到望出去既海景View真係幾靚!去到呢到,就覺得服務同環境氣氛方面都不俗!食物方面,個waiter話呢期推介緊潮洲菜,阿妹就即刻問有無蠔餅.咁就叫左個香煎蠔烙,價錢$120,比起廟街當然貴好多,但係物有所值既.食落都唔會話覺得油,而且d蠔明顯係多同好味d既!另外一個食送就係香草桂花煙燻銀雪魚,超級推介!!我地係聞到隔離檯傳過黎既香味而叫呢道菜!!香到d口水都出晒黎haha果然無叫錯,好香口好野味,不過得四舊,每人兩舊,都差唔多$200但真係值既.如果係想食好d同高級d既中菜.呢到的確唔錯既選擇!另外,仲飲左例湯,以為普普通通,意外地覺得好飲!不過個名好長,都唔記得係咩湯!仲食左個waiter推介既炸子雞,真係幾滑幾