番茄18

营业中

休息中

叫得做蕃茄18，一定要試下佢個蕃茄湯。真係值得一讚，佢唔係用茄膏茄醬溝水咁簡單，而係真係有粒粒蕃茄，好香濃既蕃茄味。通粉超大碗，係平時茶餐廳茶餐的兩碗份量，而且好爽口。加左8蚊加鮮牛肉，份量對得住呢8蚊，有牛味，唔算太鞋，唔會好難咬，算係咁啦。炸魚柳好大份，熱辣辣，我最鐘意就係沙律醬同魚柳分開放，自己鐘意點幾多醬都得。雞扒都好厚身好大塊，可能就係太厚，一切開見到唔熟，同侍應反映左，佢地都好樂意幫小編換過份雞扒。新黎既雞扒一切開就爆汁😍 好正好juicy不過呢，服務就麻麻地，阿姐都幾唔耐煩會催你落單，呢樣野可能餐廳要改善下。