越蘆越南牛肉粉 (已結業)

炮台山AIA附近好多餐廳，今晚趁媽媽休息唔煮飯就同佢過嚟食下啲自己煮唔到嘅好嘢食😋Menu上嘅食物飲品全部附圖夠清晰又吸引，淨係小食我地都嗌咗兩款。烤豬頸肉燒得好靚，外面帶焦香肉泛油光，有油脂感但點埋醬汁就剛好唔膩，肉質爽彈唔會好柴。串燒睇相大大份但價錢唔平，好彩嚟到都冇失望！豬、牛、雞各兩串，比起出面餐廳的確特別大串。沙嗲醬香濃有花生碎，非常惹味，我地一致認同雞肉最好食，好腍又入味。食越南嘢一定要嗌番碗Pho－依度嘅越南河好大碗，鍾意佢落足香草味道豐富，生牛肉好嫩，牛丸亦不錯，兩個人分都食到好飽呢～餐廳午市同下午茶都有set，有機會都想試埋啲特飲🍹