越蘆越南牛肉粉

最近好忙，冇乜时间四围出去揾食🥲。星期六下昼谂唔到食咩好，于是近近地拣咗呢间越南菜食🙆🏻‍♀️，地方坐得都几舒服，嘢食都OK，不过价钱呢就唔算好平，嚟开呢头附近可以试吓🙆🏻‍♂️。🍛 越南蛋饼香茅猪扒配米饭 $78香茅猪扒🥩系半煎炸嘅，所以猪扒表面都有一层薄薄嘅脆浆😝，而且有几香嘅香茅味🌿。蛋饼都唔错😋，有少少胡椒香，但如果份量再多啲就好😂。整体而言都算好食，而且饭嘅份量好多，不过如果可以多个汁无咁dry就好啦😅！🍜会安蕃茄虾檬 $82哩碗粉都有几多配料，有赖尿虾🦐、扎肉、虾丸、碎猪肉。赖尿虾就唔好期望系好新鲜爽口弹牙🙈，不过其他配料都几好食，扎肉中间有啲爽爽地似软骨嘅口感，虾丸食落都几弹牙😋。汤底系蕃茄汤🥫，蕃茄味唔算好浓，不过清清地咁味道都唔错😌。份量亦都好大，食唔哂。🍹话梅柑桔水 (跟餐)柑桔味都几出，味道不错。…查看更多

呢排好忙日日都喺公司嗌外卖，终于有时间可以出去食返个午饭，梗系要食好啲，所以去咗公司附近间越南餐厅。整个套餐分量十足，有香脆虾饼，蛋饼口感丰富，牛肉肉质鲜嫩，非常惹味。…查看更多

餐厅环境几好，有点失望。碗有污迹。服务都一般，叫侍应将法包一开二，佢话会有刀叉要自己切。好彩有另一位资深侍应同厨房讲帮我哋切。顺化牛肉汤河粉，汤冇味，只有辣味，河粉一夹即溶。蕃茄赖尿虾汤檬粉，变咗幼米线，汤冇味，里面粒丸似粉多过肉，最后不停落是拉差。越南咖啡无论冻定热都好淡。唯一得法包比较正常。有啲似茶餐厅食到嘅质素，或再麻麻地，未至于唔入得口，但唔好当越南嘢咁食，应该会好啲。6人去6人都觉得（不好吃）😖。…查看更多

经过几次，人气麻麻，终于入去叫佐碗汤河。86蚊再加一，算系招牌，有个thumbs up, 仲有几种肉。不过不失，除佐块薄牛腩咬极都唔断，入口嚼极亦唔烂，夹硬吞落肚，希望个胃酸够劲。唔会再去啰。人气麻麻，必有原因。坐得舒服，冷气够劲。不过，求其食碗面，再去 Starbucks仲好！价钱一样。…查看更多

闲逛完东岸公园，就去炮台山兜下，餐厅种类都多，今次黎食下越式野。生牛肉汤金边粉，金边粉幼身，生牛肉每片大大块，牛肉食起来嫩滑无渣，亦有肉甜，汤亦系浓郁香甜。顺化香茅猪扒河粉，猪扒都算几大块，煎得好香，建议汤粉叫返河粉，因为真系好滑好顺口，好味。越南蟹肉春卷，餐厅menu 有个good既手势所以试下，果然有惊喜! 春卷馅肉结实有蟹肉鲜味，春卷炸得超脆。配有数块新鲜生菜同萝卜丝可包住进食，平冲油腻感。点捞檬既酱汁酸酸甜甜更惹味提鲜。冻青柠红茶，青柠有香气但味道挤完D汁又冇好浓味。香茅鲜橙茶，好大支香茅，香茅鲜橙味道平均。餐厅都坐得舒服，灯饰系越南帽仔，灯火通明，可能呢边多商厦，晚餐堂食就少D人，但反而环境更宁静，之后食到7点左加就开始多人黎买外卖了!…查看更多