極尚大喜屋 (銅鑼灣廣場一期)

营业中

休息中

在OpenRice做定資料搜集，睇到花多眼亂的Menu真係流哂口水。本來想主攻刺身和壽司，但後來發覺原來熱食既種類都好多，而且幾好味，比得上出面中上價位餐廳。要推介既食物有燒羊架、燒鰻魚、燒菠蘿。依3款燒物都好出色，所以趁肚皮有位都Encore左。火炙系列大路都會Order左口魚邊同三文魚腩，上菜果陣仲係微暖，證明都係新鮮用火槍燒過，油香邪惡到不得了。自助區都有好多野食，最深刻係有酸菜魚，平時一個人食唔哂一大窩，竟然可以食放題順便食埋頂下癮。生果區都有幾多款生果提供，仲有桂圓雪耳滋潤糖水，真係佩服諗Menu果個人，真係乜都有，而且仲要係好味既，要Encore！