日悅極尚日式放題 (已結業)

每次出黎食飯，都總有朋友話要食日本菜，所以今晚又同佢食放題啦😬。上到去地方真係好寬敞，仲大過好多酒店buffet。食物方面除點餐紙外，場內都設置自助區，前菜、壽司、刺身、串燒、鍋物、天婦羅、糖水、甜品應有盡有。各式飲品都有，仲有分常溫區同凍飲區，非常貼心，而且連清酒、啤酒都可以任飲添，真係好適合一大班親朋聚會丫。自助區有海鮮、前菜、沙律、熱湯、糖水等，海鮮方面有海蝦、青口、翡翠螺。刺身用乾冰墊底奉上，有三文魚、油甘魚、北海道帶子、北寄北、赤貝、劍魚腩、赤蝦、馬刀貝等等，數目、款式都執得齊。炸物叫左芝麻雞翼、吉列炸蠔、脆皮貓山王，熱辣辣上枱，夠晒香口。必叫既一定係燒牛舌，香口仲有肉汁添。最後又點小得Mövenpick雪糕，雖然都係任食，但食到最後已經夠哂飽，肚腩滿足了。最後呢度既服務都好有禮，值得再次再臨丫。