Bellevue Bar and Grill (已結業)

星期六我去左餐廳食佢嘅假日早午餐精選。午餐加48蚊可有1樣前菜，餐湯加甜品前菜係香烤蝦伴什菜沙律我覺得幾高質，啲蝦彈牙冇雪味。沙律菜都好乾淨，爽脆，蕃茄仔清甜係開胃嘅前菜。餐湯熱辣辣，係龍蝦湯，幾creamy加埋熱熱地嘅面包，好夾。淨係食前菜都食到lamlam利。😂😂餐飲叫左咖啡。都幾驚喜嫁。咖啡面頭有少少泡，好似cuppacino甘，啲奶暖暖地似係打過嚟嘅。杯咖啡幾好飲。講左甘耐，係時候講下個主菜。係帶子南瓜意大利飯！！🤤🤤🤤個意大利飯係由煎到金黃嘅帶子再加有南瓜肉嘅南瓜蓉舖面。另外， 面頭有啲切左薄片嘅芝士。 襯啲飯仲熱嘅時候撈埋一齊，個飯有少少拉絲嘅效果。個飯仲有啲切碎左嘅茹，好鬼正🤤 一啲都唔漏，好好食。 下次會再食。