巷卅八 (已結業)

今天（19/1）中午大概十二時四十分，跟朋友到此餐廳食飯，叫左個青咖哩雞飯及炒河，青咖哩有點偏淡但味道總算不錯，雞是普通急凍雞柳，估計沒有醃過，味道偏淡，而炒河比較好，有鑊氣，味道很好。飲品方面，咖啡很好飲，很香。對於食物是滿意的，侍應很有禮貌（除了個別一個水吧員工），環境舒適，唔會迫，亦唔會嘈吵，整體上對於此餐廳是滿意的。

有一段小插曲，叫左杯熱奶茶，追左兩次，直至所有食物都食完，但杯熱奶茶仲未到，咁就問一下個侍應，個侍應都有禮貌咁答我已經追左水吧，再追水吧既話水吧會鬧人，我等得不耐煩，就去水吧睇睇，個水吧員工一開口就非常無禮貌，話沖緊嫁啦，我話我等左半個鐘，佢就話排緊，個個都要等，話飲水咪唔洗等，我再同佢理論幾句，終於知道係部茶機煲緊茶，未滾。對於這個沒有禮貌的水吧員工，的確係害群之馬，希望餐廳可再培訓一下這位員工。