巷卅八 (已結業)

冬蔭公湯 ($88)份量好大，可以飲到四碗度。香辣味道好夠，不過略為鹹。黃咖哩軟殻蟹農夫包 ($168)黃咖哩質地略為杰身，而且味道淡身無咩味。農夫包又無咩焗香，好軟身。軟殻蟹都幾足，但又係唔太脆身。…查看更多

很久沒在家的附近試新菜，適逢弟弟的生日，我們一家來到炮台山附近的一家泰國菜試試說實話，我們是被廚窗裏的燒肉串才進來的，意想不到的是我們僅僅點了三個菜，在場的客人不多，但上菜時間卻超過三十分鐘一道菜首先來個馬沙文牛腩，咖哩的味道淡如水，質地不夠實在啊～ 另外叫了白飯來配過了三十分鐘才上第二道菜，羊架蛋包飯羊架和蛋包飯完全是二個獨立個體，二種口味不一的放在一起，感覺怪怪的。羊架的肉汁鮮嫩，味道還不錯。蛋包飯就比較遜色，不太像泰國菜然而我們的第三道菜呢？我們等了超過45分鐘，半打的燒豬、燒雞串還沒到，追了好幾次也是敷衍了事～最後不歡而散，Cancel order 吧這家店是第一次來，也是最後一次。…查看更多

囡囡生日，一家人都喜歡泰國菜，剛好家附近開了一間巷卅八。由於是開業不久，餐廳的裝修乾淨而充滿懷舊的味道。坐下後，叫了一份泰式小食拼盤和4瓶泰国啤酒。拼盘里的虾饼和鱼饼都很弹牙鲜味。吃完拼盤，我們還叫了泰式軟殼蟹春卷、泰國街頭燒雞肶、冬陰公湯和泰式蒜香虎蝦。蝦餅鮮味彈牙，魚餅煙攰軟壳蟹炸得酥脆可口，加上新鲜的蔬菜，春卷就變得清新鮮甜美味，沒有半點油腻雞肉烤得剛剛好，外面微微焦黃，夠香，裏面保留了肉汁，很有雞味。一定要吃！超多的蒜蓉和香茅，一上台香氣四散，是全日的重頭戲虎蝦肉質鮮甜彈呀，加上香茅和蒜頭的香味，簡直就是無法抗拒的誘惑😍😋…查看更多

朋友係油街擺展覽，捧完場就去附近食飯，兼慶祝隊長同另一位三月之星既生日，於是揀左巷卅八，既可以滿足另一位壽星想食泰國野，睇落又好似坐得舒服d。可能北角既餐廳都係以附近街坊為主，所以入到去都幾舒服，星期六都唔會話催你交檯。費事諗，所以坐低就叫左個6人餐，不過年輕的侍應落單落到甩甩漏漏，都已經想反眼，乜一個6人餐甘難落咩！？先黎個泰式炒通菜、炒金邊粉同泰式炒飯⋯⋯下？仲乜由尾食番上頭架？不過個炒金邊粉要讚，因為炒得乾身唔油，面頭既銀芽都夠新鮮，食落仲爽既。跟住就黎個冬蔭公，由於隊長怕辣，我只係飲左半碗，覺得酸左少少，不過就幾多料同海鮮，幾隻蝦都大大隻。跟住就好似趕時間甘，同一時間上晒其餘既菜，都未食得切，張檯都唔夠位擺，仲要叫我地比位佢擺，叫佢停一停唔好上條魚住，先識停⋯⋯繼續反眼⋯⋯隻雞同青口唔得，雞太咸，青口好un；至於串燒同併盤都ok，串燒豬都唔會話燒到好un，併盤個蝦餅比較出色，蝦膠打得彈牙；上埋條魚，好似上面既配菜仲多過條魚，條魚無乜肉。最後想一次過食埋甜品同蛋糕，叫佢先收碟，點知那位年輕的侍應收完2隻碟，拎番入廚房之後，好似失憶一樣，完全唔記得要繼續收碟⋯⋯至於個甜品芒果糯米飯，催左好幾次先黎⋯⋯um，芒果唔夠甜，糯米飯一半係黑糯米，另一半係白糯米，不過黑糯米既感覺怪怪的，d糯米好硬。最掃興係上蛋糕果下，朋友買左雪糕蛋糕，拎入餐廳果下已經千叮萬囑只需要放普通雪櫃下格就可以，因為雪糕蛋糕要時間溶⋯⋯佢地應該無理，照放係冰箱，直到叫上蛋糕果下先拎出黎，個蛋糕硬到切唔開，阿姐仲要企係隔離食花生甘樣，仲要我地自己好努力甘切，完全無諗住幫手，仲要收我地切餅費！？好掃興既一餐生日飯，食物好，但服務差都唔會有下次！…查看更多

夜晚行經北角搵食，聞到呢間野飄出好香燒烤味，再望望餐牌價錢正常但要加一不過都想試下。等咗陣有位，3檯人差唔多時間坐低，但得一檯有餐牌，唔講冇menu係完全冇諗住要俾menu嘅，然後落單個人落落下單走咗去做其他嘢。:(嘢食方面叫咗個乾炒河同燒豬頸肉，等緊其間發覺又冇水又冇開冷氣又冇抽風一陣油煙味，問佢攞水先有。嘢食嚟到，侍應完全唔知啲嘢係邊檯嗌嘅企喺度一臉迷茫企咗陣先開口問。個炒河都ok正常嘅，但唔夠香，其中有一大片河粉黏埋咗冇炒開所以冇乜味。燒豬頸肉，得面頭落咗少少調味有啲胡椒，中間啲肉冇乜味又冇汁，所以想問下佢有冇汁，等咗勁耐啲侍應行過都唔望過嚟，直到隔離檯有野食先搵到人。嗰位侍應比較醒目我哋未出聲已經話咦你個豬頸肉冇汁嘅，跟住先拎個汁嚟。噢，原來應該係有汁嘅但佢冇上到，點咗個汁好食好多。最後埋單，見佢門口又有貼visa master octopus, 櫃檯又有貼，仲要有加一添，諗住簽credit card, 點知佢一句話唔過300蚊唔收咭，嘩咁你menu又唔寫又冇特別講，仲要收加一收齊頭收多我幾毫子(冇寫明四捨五入) ，其實如果佢服務ok我都唔介意，但咁嘅服務仲要收加一再收多幾毫子，仲要唔收咭。唔過300蚊唔收嘅就一早寫明吖，明明啲visa master貼紙大大個貼到周圍係梗係expect 可以簽咭架啦。為免怪錯人臨走前特登行去個visa master貼紙度睇吓係咪我自己睇漏咗佢寫300蚊先收咭，事實係冇寫，只係寫住歡迎使用 We accept Visa Master‼總括嚟講，嘢食方面ok 味道比上不足比下有餘，但服務完全唔得，大部份侍應似乎冇乜經驗唔知應該做啲乜，又唔留意樓面需要，隔離檯仲要漏咗單添。值零甚至負數嘅服務仲收加一，絕對不值。…查看更多

街頭小店一向標誌著當地的傳統地道美食，無論去到世界各地，這金科玉律一直如是，所以筆者每次去旅行，都例必會惠顧一些街頭小吃，以瞭解感受一下當地的風土人情，而每處地方均有其代表作食品，就如香港有炭燒雞蛋仔和咖哩魚蛋，英國有炸魚薯條，泰國有炒金邊粉、生蝦刺身和咖哩炒蟹，印尼亦有沙爹串燒，還有越南的生牛肉河粉等等，儼如當地的美食縮影一般，每每讓人驚喜和回味。早前行經北角城市花園一帶，途中見到一間新近開張的泰菜小店，裝潢充滿著泰式懷舊街頭風，摩登得來趣緻得意，友人二話不說便急不 及待入去參觀一番，好奇的筆者當然也不甘後人，一齊入去八卦一下， 心想既然有點肚餓，不如就坐低試一下新店吧。店內分開兩個部分，先是一處售賣麵包及醬料的角落，裡面的泰式醬料款式 不小，價格亦算實惠。再入去便是餐廳的部分，內裡裝修很有特色，大大幅的電車模型牆裝飾 ，懷舊的鐵窗花、紙皮石牆、天花吊扇、髮型屋旋轉燈箱和粗糙的水泥地， 還有牆上手繪設計的"篤篤"插畫，各樣都充滿著裝置藝術味道，設計偏向 懷舊工業風。入座後發覺原來連桌面也是以不銹鋼打造，甚至碗碟亦是採用懷舊的公雞圖案瓷碟，滿是泰國街頭小食攤味道。雖然是仿泰國街頭風，環境一點也不侷促，地方清潔整齊，座位闊落很有空間感，簡潔舒適。打開餐牌看到簡介，原來店名的由來是源於泰國曼谷Sukhumv it大道傍的第卅八號巷，那裡曾是泰國一個開業逾四十年的著名街頭美食天堂，可惜因重建關係，現已在美食地圖上失去了蹤影，而店主希望將那裡的美食帶到來香港，故以此命名小店。細閱餐牌後，每樣食物都很吸引，筆者再次發揮眼闊肚窄的功力，兩個人點了差不多六款小食和餸菜，其中包括軟殼蟹春卷、泰式炸蝦餅、泰國街頭燒雞肶、黃咖喱軟殼蟹農夫包、油酥餅、燒羊架配芭堤雅蛋包炒飯和泰式炒椰菜苗。軟殼蟹春卷，以薄薄晶瑩的米紙包著生菜、青瓜甘筍絲和炸得酥脆的軟殼 蟹，裁成四小件上碟，米紙軟糯煙韌，配上菜蔬的爽口和軟殼蟹的鹹香，感覺香酥清新，蘸上隨碟的酸甜汁醬，開胃減膩， 是一道不錯的餐前小食。泰式炸蝦餅，以蝦膠裹上麵包糠炸至金黃色熱辣辣上碟，外脆內軟，蝦香滿滿，口 感Q彈。唯個人覺得蝦餅做得略為薄身了點，欠缺了啖啖蝦肉的滿足口感，如能做得飽滿一點，將會更加好味。泰國街頭燒雞肶，是本地泰菜食店較為少見的一款小食，大廚先將雞肶起骨裁成兩件，並以中開竹枝夾著來燒，單看賣相已充滿著泰國街頭風味。一端上來焦香撲鼻，入口肉質嫩滑多汁，蜜香惹味，不愧為此店的招牌菜式，確實不錯。咖喱軟殻蟹農夫包，挖空了的自家製農夫包，盛著香滑惹味的咖喱軟殼蟹，賣相吸引。數數咖喱內足有三大隻炸香的原隻軟殼蟹，還有薯仔青椒等蔬菜，十分足料。軟殼蟹炸得香脆可口，配上濃香的黃咖喱，味道帶甜而不太辣，加入了蛋漿同炒，顏色鮮豔之餘亦帶有蛋香，就像是泰式咖喱炒蟹的咖喱汁一般，用來蘸麵包食，味道一流。 唯一問題是農夫包雖算鬆軟但烘得不夠香脆，缺乏了酥脆香口的口感，略嫌有點失色，有待改善。幸好筆者另外點了一客香酥餅用來沾這美味的咖喱汁同吃，未有浪費。燒羊架配芭堤雅蛋包炒飯，這個蛋包飯跟外邊一般的有點分別，外層薄薄的蛋皮包著堆成圓碗形的炒飯，蛋皮白白的似是以蛋白煎成，跟日式蛋包飯的金黃滑蛋荷包炒飯賣相完全不同。切開蛋皮內裡的是茄汁炒飯，熱辣辣香噴噴，味道偏酸帶淡淡的蒜蓉洋蔥香氣，飯粒分明，偏濕潤有咬口，感覺跟西炒飯的味道相近；蛋包飯側邊伴著兩件燒羊架，羊架燒得軟嫩多汁，肥瘦適中，配上濃厚汁醬，甘香惹味，令人垂涎三尺。泰式炒椰菜苗，椰菜苗算是泰菜獨有的菜蔬之一，菜身爽脆清甜，大廚以紅椒蒜茸炒香，上碟翠綠鮮紅，炒得香嫩有咬口，味道鹹香脆爽帶少少微辣，惹味怡人。整餐質素味道不俗，但由於筆者眼闊肚窄關係，兩人用餐點了六款餸菜，最終都是未能清空所有食物，以免浪費還是打包了回家。店家努力在店舖設計上營造出泰式街頭風格，地道特別，予人在泰國街頭小店用餐一般的感覺，當然吸睛度與舒適度要好上百倍，加上店員親切有禮，價格亦不算貴，筆者大可暫時望梅止渴，止住了泰遊的誘惑，讓筆者在港島區又有多了一個泰式飯堂好去處。…查看更多

香港local食物反而少吃，我是頭號泰國、越南菜的粉絲，每次都要用冬陰公湯才活過來，這裡的冬陰公不算很spicy，有少少麻的感覺，湯中十分足料，大蝦青口都有；過癮的生菜包，生菜包係食極都不會厭的一道菜，肉碎餣得剛好，味道不會適中，加上洋蔥和青蔥增加了口感的層次；蝦餅和豬頸肉是少一免的吧，蝦餅剛炸好取出，還熱烘烘的，而且吃到有蝦粒；豬頸肉份量很大，還以為是出面吃到的小切片，誰不知比起我的手掌更大，味道也不錯，肉質不會老；羊，豬，雞和三串，點上自家制的沙嗲醬是一種享受，啖啖肉令我這個食肉獸很滿足；咖哩蟹農夫包： 我沒有想過是原隻蟹上的，我是有被這份量嚇到了，咖哩味非常入味，是甜的青咖哩，加上脆皮的農夫包，口感很好；最後一道菜就是烤魚了，原條大魚呈上，加上烤爐中的配菜我已經看不清有多少的材料，不繼滾起來的湯汁令到魚鮮撲面而來，吃上一口魚質鮮嫩，魚鬆化得一夾就散了，建議大家用湯匙來進食。看完圖片你也覺得是大份夾抵食吧。…查看更多

來北角探朋友敘舊，見到呢間泰式餐廳幾特別，裝修清爽乾淨，內部闊落，個名又幾吸引，就決定系度解決晚餐。侍應態度好，熱情招呼我地入座。以前常去九龍城，座位好迫，呢度夠闊，乾淨企理，令人大有食慾翻開餐牌，首頁有餐廳故事。食飯係品味緊一間餐廳的起源同故事，令客人感受到老闆的心思餐碟上有隻雞，好得意先上了【泰式炒通菜】。成日食飛天通菜，今日想試啲唔同嘢。同馬拉盞/蝦醬唔同，呢碟通菜冇特別的“臭味”(係呀我覺得蝦醬有陣味)，鹹味適中，送飯絕配。叫了半隻【海南雞】，不得不說分量太足了，我地以為落錯單係一隻添。雞皮爽滑，雞肉鮮嫩，冇生雞/生水味，蘸料較普通餐廳辣啲(不過我中意)，十分抵食。朋友叫了【椰青】，飲完後筆啲椰肉出來，哇好厚的椰肉呀！忍不住又叫了【蒸烏頭】魚肉夠嫩，湯汁夠鮮，配料夠足，不失望【炸魚餅】熱辣辣，外皮炸得脆，裡面魚餅夠彈牙，有特製魚餅的鹹味，送飯更好。最後係甜品，經典的【芒果糯米飯】太極配色好靚，椰汁夠濃，唯一不足係芒果太酸，可能唔係當季，都可以理解呢餐食得舒舒服服，菜式經典，菜品口味令人滿意，價錢正常，值得推介。…查看更多

首先，想說說這店的位置，純粹看地址的話，是找不到這店的。打給店舖問才能來到這裏。進到店內，有一個角落是賣麵包的，感覺這餐廳很得意呢:)很餓了！先來客燒雞扒買相很美哦！雞扒用一對長木筷子夾住，很有泰國風味呢，而且很大塊咖喱軟殻蟹包超級足料！賣相有很有睇頭！看到搭到很高的樣子，嘩！原來內裏一共有三隻軟殼蟹呢！咖喱味道濃郁之餘又不會太鹹或者太甜，軟殼蟹又是非常大隻！好滿足呀冬陰公湯有時抵食夾大件！內裏有很多海鮮，味道相當鮮甜！正到暈呀菠蘿海鮮飯又是超級大份呢！裏面有很多菠蘿肉，酸酸的，非常開胃！完全是抵到爆椰汁紅豆冰芒果糯米飯不解釋！芒果大件！紫米糯米夠煙銀很飽足的一夜呢！真心推介本餐廳…查看更多

跟朋友來到北角新開的港卅八泰國菜聚舊，餐廳裝修頗有特色，充滿泰國街頭風味，新淨舒適。坐下先來幾瓶泰國啤酒🍻清涼可口泰式小食拼盤有蝦餅，魚餅和春卷。蝦餅和魚餅都很彈牙，配上啤酒更是爽。黃咖喱軟殻蟹農夫飽，賣相吸引，軟殻蟹炸得酥脆，飽裹面啲黃咖喱熱辣辣，香甜濃郁，釀面飽或軟殻蟹都起正👍🏻！冬蔭功我的最愛，香氣撲鼻，用料十足，湯裹有三隻大蝦，草菰......冬蔭功香辣帶點酸，香茅味濃，很合我口味，一個人已經喝了三碗😬😋泰式海南雞，雞肉肉質鮮嫩無骨，沒有雪藏味，配以醬汁，馬上提升雞味。整晚最驚喜的就是這個蒜香虎蝦，㕑師用上大量香茅，蒜蓉和辣椒與虎蝦一起炸香，香氣十足，虎蝦新鮮彈牙不乾身，外脆內嫩多汁。最後想比個讚餐廳的侍應，他們都殷勤地為我們換碟子。…查看更多

農曆年跟家人一起吃團年飯，今年想搞搞新意思吃泰國菜。來到巷卅八，這裹裝修懷舊，乾淨，感覺舒服泰式拼盤，蝦餅和魚餅做得出色，蝦膠彈牙，魚餅鮮味。軟殼蟹春卷，米紙卷裹除了軟殻蟹外還有很多蔬菜，味道非常清新👍🏻泰國街頭燒雞肶，超好吃的燒雞肶，肉質鮮嫩多汁，不用釀醬汁已經很嘢味。噴靚咖喱紐西蘭羊架，羊架是我的至愛，這間的羊架口感嫩滑，沒有臊味，咖哩很濃郁配合羊架，簡直是絕配。😋 😋 吃完羊架後很想叫個芒果糯米飯，但大家都很飽，唯有下次再來。…查看更多

朋友住北角，最近發現了這間新開的泰菜店，便急不及待跟我一起去試。 餐廳雖是吃泰國菜，但佈置用上的碗碟都非常中國風。 辣椒膏炒青口（$88） 辣椒膏醬汁不會很辣，卻又香又惹味。肉質肥大厚肉，最重要是夠辣鮮，醬汁還可額外點個白飯一起吃！ 蝦球炒金邊粉（$88） 金邊粉是店內招牌食品之一，果然名不虛傳。金邊粉炒得乾爽。 甜甜的蕃茄味道均勻每一條金邊粉，乾爽嫩滑，加上配料夠多，輕輕加上少許青檸汁，非常好吃！ 2人套餐（$338） 炸春卷、蝦餅、燒豬頸肉 泰式肉碎生菜包 肉碎炒得夠香又惹味，伴在大大塊新鮮生菜上很清新的感覺！ 招牌冬蔭功湯 冬蔭功湯內的香料極多，味道濃稠，味道偏酸，不會很辣。 泰式明爐魚 明爐魚挺有驚喜的，份量大大條，伴上香茅和其他香料，還有非常吸睛的肉碎粒滿整條魚，再配上一大碗明爐魚湯底和泰式酸辣汁，味道超好！ 如果魚鱗可清乾淨一點那就perfect了！ 巷38蛋包飯 蛋包飯絕不兒戲，味道有點像西炒飯，帶著蒜蓉和洋蔥香味非常惹味，加上飯粒有嚼口，粒粒乾爽，好吃！ 加配泰式飲品半價 椰汁珍多冰（半價後$14） 椰汁味道夠香，配料都夠。  …查看更多

今日相約老友為她補祝生日飯，來到北角吃泰菜。店名由來是源於泰國曼谷SUKHUMVIT大道傍既第卅八號巷係有名既泰國街頭美食天堂，但礙於重建關係擺賣多年既食檔已經四散；故此店主將巷卅八帶來香港。裝修幾特別，環境闊落又光猛。有為樓面著想，設置了工作檯面 大大隻碟唔使驚唔夠放食物本想吃青木瓜沙律，但水吧裝修緊....最後只能點唯一的熱食沙律 ...海鮮粉絲沙律 (但圖案顯示有兩隻辣椒)味道不錯但對我來說太辣了泰式炸蝦餅 ~ 熱辣辣上檯，建議醮上甜辣醬一起享用熱辣辣煲仔泰式魚肚羮  叫個湯濕下口，魚肚羮係我在泰菜中常點的一個湯，因為我好鍾意食魚肚蒜蓉炒通菜 ~ 外出用饍少不了的蔬菜，通菜夠嫰綠辣椒膏炒虎蝦好惹味的一道海鮮，醬汁掛在虎蝦上，味道濃郁 由於買咗件裝生日餅為老友慶祝，為免吃不完所以沒有點粉麵飯包這類了.....美中不足的是.......水吧裝修攪到無凍既沙律同埋沖調飲品(只有樽裝飲品供應)，少咗好多選擇。希望老友體諒未能盡興叫飲品和沙律啦 !…查看更多

一人爽吃最正就係叫哂海鮮配啤酒😋<海鮮粉絲沙律> 🥗$68呢個沙律辣到飛起，面頭有青口，蝦，魷魚等海鮮😈底層是把泰式辣汁吸到滿滿的粉絲，唔係講笑😱我飲哂成枝啤酒去救火，但又好刺激又好食😂🐔個碟又是雞公圖案，雞年真係好多餐廳都是雞公耶🤘加上又興起懷舊風呢<黃咖哩軟殼蟹農夫包> $168個農夫包幾鬆軟,入面裝滿香濃黃咖哩跟蔬菜配料，面頭有3隻炸得好香脆可口軟殼蟹，都幾大隻添，入面唔會炸到好乾，仲保持到水份…查看更多

噴靚咖哩紐西蘭羊架 $138 好食指數: 8/10抵食指數: 6/10鐵板羊架香噴噴咖哩幾濃味 同羊肉出奇地夾😋肉質滑嫩 好好食不過只得兩件唔夠喉😭黃咖喱軟殻蟹農夫包 $168一個農夫包入面 竟然有3隻軟殻蟹份量超足 而且熱辣辣 好脆黃咖喱味道好香 配搭農夫包點黎食 正泰式滷豬脾 $88唔講以為食緊中式滷味原來泰菜都有滷味 而且拍得住中式豬脾滷得夠味 肥膏同肉一層層叠埋食落有油香 仲有酸菜比您解膩馬拉盞通菜 $68好夠獲氣 而且濃味馬拉盞味香 餸酒一流…查看更多