影片
更多
2020-03-01
58 浏览
食物水準高 環境亦舒適～～～餐廳名稱：泰屋 (旺角)餐廳地址：旺角彌敦道726號2樓～～～最近好耐冇食泰國菜，所以週末就同左朋友黎旺角搵泰菜食，旺角本來就係一個美食眾多嘅地方，淨係泰國菜旺角都有好多間，而之所以我哋會揀呢一間，係因為朋友話佢環境比較闊落，好坐，好適合傾計，嘢食水準亦好唔錯，所以我哋就揀咗呢一間來做我哋個晚餐～😊～～～我哋首先order左一個酸辣鳳爪 然後再叫個泰式鮮魚爐（烏頭 ），鮮蝦炒金邊粉同蒜蓉炒通菜，最後再黎個芒果糯米飯！有前菜，有主食，有魚有菜，有甜品，營養非常均衡😆😆哈哈哈（食到身上嘅肥肉都均勻）！～～～酸辣鳳爪：酸酸甜甜中又帶點辣 好開胃 食泰國菜 我最鍾意就係叫佢作前菜～～～泰式鮮魚爐（烏頭 ）：裏面材料好豐富 有椰菜 紅蘿蔔絲 肉碎 粉絲 粟米芯 秀珍菇芹菜等等另外配一碗湯 同類似海南雞醬嘅酸辣醬料 食落魚味鮮 餸又多 一大班朋友食 非常happy～～～泰式蛋包金邊粉拌蝦 : 裡面有鮮蝦 蛋 豆腐乾 泰式蝦米 花生碎同蛋皮 食落有口感 味道又調得到位 唔會太濃太淡 而且分量超多啊 我哋四個朋友一齊食都完全夠食😊～～～蒜蓉炒通菜：炒得一啲都唔油膩 淡淡的蒜
～～～
餐廳名稱：泰屋 (旺角)
餐廳地址：旺角彌敦道726號2樓
～～～
最近好耐冇食泰國菜，所以週末就同左朋友黎旺角搵泰菜食，旺角本來就係一個美食眾多嘅地方，淨係泰國菜旺角都有好多間，而之所以我哋會揀呢一間，係因為朋友話佢環境比較闊落，好坐，好適合傾計，嘢食水準亦好唔錯，所以我哋就揀咗呢一間來做我哋個晚餐～😊
～～～
我哋首先order左一個酸辣鳳爪 然後再叫個泰式鮮魚爐（烏頭 ），鮮蝦炒金邊粉同蒜蓉炒通菜，最後再黎個芒果糯米飯！有前菜，有主食，有魚有菜，有甜品，營養非常均衡😆😆哈哈哈（食到身上嘅肥肉都均勻）！
～～～
酸辣鳳爪：酸酸甜甜中又帶點辣 好開胃 食泰國菜 我最鍾意就係叫佢作前菜
～～～
泰式鮮魚爐（烏頭 ）：裏面材料好豐富 有椰菜 紅蘿蔔絲 肉碎 粉絲 粟米芯 秀珍菇芹菜等等
另外配一碗湯 同類似海南雞醬嘅酸辣醬料 食落魚味鮮 餸又多 一大班朋友食 非常happy
～～～
泰式蛋包金邊粉拌蝦 : 裡面有鮮蝦 蛋 豆腐乾 泰式蝦米 花生碎同蛋皮 食落有口感 味道又調得到位 唔會太濃太淡 而且分量超多啊 我哋四個朋友一齊食都完全夠食😊
～～～
蒜蓉炒通菜：炒得一啲都唔油膩 淡淡的蒜蓉味 配埋翠綠嘅通菜 簡簡單單但又非常滋味🥰
～～～
芒果糯米飯 ：芒果好香甜 而糯米飯亦都好有心思 上面係白色嘅糯米飯 下面係黑糯米 煙煙韌韌好好味 同泰國食到嘅差唔多水準
～～～
推薦度：🔥🔥🔥🔥🔥🔥🔥🔥（10🔥最高）
张贴
