Le Viet (已結業)

Le viet 呢間越南餐廳想試咗好耐，每次行經尖沙咀分店都見到佢排緊長龍。今日得閒就早啲嚟旺角分店食lunch，一定唔使排隊啦，十一點半剛開門就嚟咗喇，所以可以坐到寬敞嘅窗邊位置，望住街景歎美食真係開心。我同朋友都好肚餓，所以決定叫兩個lunch set，再加一個菜式。我哋叫咗海南雞飯，同埋生牛肉湯河，在加8蚊叫特飲，分別是鮮橙汁同鮮豆漿。海南雞超滑，皮脆肉嫩，配油飯食真係美味。而生牛肉湯河都好正，湯底充滿牛肉味，河粉爽滑 ，裏面仲有好多芽菜同洋蔥絲。香茅燒烏頭肉質夠juicy，唔會燒得太乾，而且充滿香茅嘅味道😋😋