misocool (已結業)

呢間餐廳經常多人幫襯，但我一路都未去試，因為我覺得香港太多此類型餐廳，食物冇主題，未吸引倒我。當日又經過，實在唔明點解咁多人去食，一於去試試。餐廳環境設計簡約，食具都有心思設計，主攻年輕人市場。食物方面有驚喜，北海道帶子豬骨湯拉麵湯底濃郁，帶子鮮味都可以，仲有6只咁多，真扺食；日式蒸蛋夠滑夠熱，好味；芝麻醬冷豆腐好香；最出色係杯凍咖啡，超級香濃，竟然咁好飲，昇爸黑一杯都要$35，呢度成個餐都係$80，今時今日尖沙咀用咁既價錢食到咁既嘢，真係越嚟越少。