街坊Cafe (已結業)

行開旺角買嘢，同行朋友行完街之後口渴，想搵個地方坐低，見到呢間餐廳個名幾得意，所以入去坐下～ 原來呢間餐廳係新開嘅，雖然佢叫「街坊Cafe」，但係佢餐牌啲食物都好精緻好有質素，一啲都唔係行貨。首先叫咗兩杯野飲，一杯叫咗「1+1」，聽個名已經覺得好得意，再加埋時送到上嚟時見到個顏色好夢幻，係紫色同橙色嘅混合，入邊有芒果，菠蘿，藍蝶花，同啲西米粒，幾好飲～朋友另外一杯叫咗「女神」，係綠色嘅，係青檸，芒果，百香果嘅混合，好飲，解渴同醒神～另外因為有少少肚餓，但係又未到晚飯時間，所以我哋share叫咗個咖喱豬扒蛋包飯，個豬扒好脆好厚肉，咖喱汁唔太辣，配埋蛋包飯好正！！總括：食物有質素，價錢合理，值得推介！！