家賀屋

夏天熱辣辣，最好梗係食日本野~ 同朋友搵到呢間丼飯勁吸引，仲有好正嘅串燒~我地分別Order o左中本鮪魚腩丼同特選海鮮丼~先講中本鮪魚腩丼，伴上吞拿魚茸~另有6大片中本鮪魚腩，蓋滿飯碗，而且色澤均勻，非常肥美，入口油脂溢出，甘香豐膩~ 丼飯加少少錢仲可以轉為定食set添～特選海鮮丼不負其名，有齊牡丹蝦、油甘魚、三文魚腩、赤身、海膽、三文魚子、赤貝、鮑魚、仲有大拖羅!!款款新鮮味美，個人特別喜愛海膽、鮑魚同大拖羅，海膽鮮甜味甘，鮑魚彈牙爽甜，大拖羅油脂爆燈~一個丼飯有齊蝦、魚類、貝類等生魚片，真係啖啖滿足~另外極推阿波尾酢橘半熟雞肝串，超級好食。傻傻嘅我地無留意菜式係半熟，到食物上枱時仲問返店員點解係未熟?點知有個好好笑容嘅女侍應同我地解釋呢款雞肝係刺身級，所以半熟絕對無問題~~入口雞肝半化，肝味出而且又夾著串燒香氣，ICHIBAN!另外雞皮餃子又係必點!簿脆雞皮內包滿軟嫩多汁嘅雞肉、蔬菜同香菇等餡料，加上雞油香氣，令人食得十分滿足!!更更更吸引嘅係有幾款啤酒做緊Promotion, 晚上6點後$3x就有500ml大大杯，入口清爽，配串燒一流，唔叫真係對唔住自己!!呢間居酒屋真心高質，