Parkview (新都會廣場) (已結業)

今日想食西餐，呢度環境舒適寬敞，座位又多，晚市剛開始唔洗等位。餐廳提供多款西式美食，有扒類、意大利粉、意大利飯、漢堡包、沙律、蛋糕、鬆餅🥞⋯⋯三文魚明太子意粉🍝三文魚煎至皮脆肉香，明太子粒粒晶凝通透，食落口有爆汁感覺。意粉醬汁加入蟹籽及洋蔥，所以份外香濃惹味，creamy又滑流。跟意粉可以加＄升級，要埋沙律、麵包、甜品及飲品。雞肉磨菇芝士墨西哥酥餅🍕酥餅裏面夾有滿滿嘅雞肉、磨菇同芝士，溶化咗嘅芝士食起嚟有拉絲效果。剛做起嘅酥餅係最脆嘅時候，所以要襯熱食😋。