蠔灣 (水星街)

营业中

休息中

一餐生日飯令我有啲頭痛，原本想去食自助餐，個壽星唔想食自助餐，又由於地點有局限，只可揀炮台山同天后，於是上 open rice 揾下。比我揾到呢度，就試下囉！餐廳都幾細心，於當日下午打電話嚟問我要唔要預留食物，真係幾好嘅服務。當明點咗六隻蠔、兩隻赤、兩隻海膽、兩隻灰色北寄貝。蠔好夠味道又夠厚肉。赤貝同北寄貝好爽口。海膽夠新鮮，一羹羹咁食好滿足°。燒蟹腳夠多肉同鮮味。不過蟹籽沙律就用咗日式沙律汁，有啲搶咗蟹子嘅味道。黑松露蟹肉飯就好，同飽肚！牛扒，又好食喎，燒到啱啱好，嫩滑。貼心嘅係已砌開一條條，客人就咁就食得。個汁又惹味。不過呢度唔平，係自助餐價錢，不過食物係高質素嘅。但坐位幾窄，開放式厨房，抽風有啲問題。