西沙茶座 (已結業)

夜晚收工之後, 已經係十一點, 其中一個dancer 建議駛車入西沙茶座食泰國菜去到已經十一點九, 肚都幾餓, 但奈何唔可以食得太飽, 個肚漲出嚟分分鐘要失業 哈哈, 言歸正傳, 我地三個食左包括串燒沙爹牛肉同雞肉, 濕炒豬肉河同一碟甜品拚盆沙爹串燒的味道比較咸, 但係另上的沙爹醬係十分之好味, 花生味香, 又帶甜, 好惹味, 濕炒河過得去, 但河粉太粗, 而且可能炒得唔勻秦, 有幾塊河粉係黐埋一齊的甜品拚盆睇相初初以為有芒果糯米飯喺中間, 原來係木薯嚟, 味道只係一般, 大菜糕比較鞋, 椰汁糕都係, 而且唔夠香, 個甜品拚盆普普通通侍應的服務好好, 好有禮貌, 笑容滿面 會讓人食得好開心的