影片
更多
2016-10-15
328 浏览
最近朋友話想食燒烤，見呢間評分唔錯，就book位。去到第一個感覺係煙霧瀰漫，太大油煙了，地方算大，有卡位，坐得都幾舒服。餐廳係用I pad點餐，好方便客人。放題係一件一件點，你鍾意食幾多照落就ok，佢有部份係要加錢落的，例如酒精類飲品、生蠔、海膽等等。一開始侍應幫我哋先點咗伊賀盛合拼盤同伊賀燒肉頭盤。上食物嘅速度都好快，唔使等好耐。伊賀盛合拼盤:刺身用勁大隻刺身船上，口感新鮮，朋友都好滿意。伊賀燒肉頭盤:有8樣野，分別係薄切裡肌肉、比利時五花肉、牛舌、極上牛小排、伊賀一口牛、安格斯牛肉、加拿大醬油豬頸肉、加拿大醬油豬柳蓋。整體感覺好鮮味，豬頸肉好爽口，醬油味好重。肉類肥瘦分佈層次分明，視覺效果幾靚，有增加食慾的衝動。朋友覺得刺身好食，叫多咗兩轉。之後我哋有叫手卷同壽司。賣相都相當唔錯，唔會俾人感覺放題就失晒水準。榴槤炸彈:鍾意榴槤的朋友，呢樣一定要試。有驚喜，榴槤味好香，又唔會太漏，好好食。可惜我食量細，唔係都想食多幾粒。沙律:胡麻蕃茄沙律，酸酸哋幾開胃，食多咗炸物食個沙律會無咁油。芝士年糕:見OpenRice 有介紹，咁就叫一件試，外層脆脆的，肉裡好軟熟。但芝士味唔出，要細心品嚐先有
一開始侍應幫我哋先點咗伊賀盛合拼盤同伊賀燒肉頭盤。上食物嘅速度都好快，唔使等好耐。
伊賀盛合拼盤:
刺身用勁大隻刺身船上，口感新鮮，朋友都好滿意。
伊賀燒肉頭盤:
有8樣野，分別係薄切裡肌肉、比利時五花肉、牛舌、極上牛小排、伊賀一口牛、安格斯牛肉、加拿大醬油豬頸肉、加拿大醬油豬柳蓋。
整體感覺好鮮味，豬頸肉好爽口，醬油味好重。肉類肥瘦分佈層次分明，視覺效果幾靚，有增加食慾的衝動。
朋友覺得刺身好食，叫多咗兩轉。之後我哋有叫手卷同壽司。賣相都相當唔錯，唔會俾人感覺放題就失晒水準。
榴槤炸彈:
鍾意榴槤的朋友，呢樣一定要試。有驚喜，榴槤味好香，又唔會太漏，好好食。可惜我食量細，唔係都想食多幾粒。
沙律:
胡麻蕃茄沙律，酸酸哋幾開胃，食多咗炸物食個沙律會無咁油。
芝士年糕:
見OpenRice 有介紹，咁就叫一件試，外層脆脆的，肉裡好軟熟。但芝士味唔出，要細心品嚐先有淡淡的芝士味，有少少失望。
甜品:
最後每人包一個mõvenpick 嘅雪糕，有3隻味可以揀，分別係士多啤梨、呍呢拿、朱古力。
有少少意見想分享，由於我唔係成日食燒烤的，如果侍應可以一開始就同客人貼心d講句，一陣如果燒海鮮就放中間位，燒肉類就放旁邊位會好d，但我食到一半先有侍應同我講。果時d肉類已經燒到乾晒了，影響了口感。
张贴
