老地坊風味餐廳 (已結業)

前身西川時都有幫襯吓，轉咗手咪去試吓叫個雞煲，等了20分鐘上雞煲，味道尚可但配菜一般，配料係自己出去夾嘅，無了原先西川的海鮮選擇，全程都係得小貓兩三枱人食，食咗一個半鐘就畀賬單要求埋單，但又無講last call，我亦無刻意加任何食物，之後坐多陣我再夾嘢食話我哋已超時3分鐘，話我哋可以坐唔可以再夾，如果全場滿座夠鐘連坐都無得坐，其實係咪搞笑呢？埋單二百頭一個自助雞煲，無任何服務兼受氣，大家去之前自己諗喇。