城中小閣 (已結業)

朋友退休返泰国，今日同佢食饭 farewell，佢拣食中菜同喺尖沙咀区，就拣咗呢间。以前都食过呢间餐厅，有点失望佢哋拆走晒啲卡位 😑 成晚餐厅都好似得 3 成客人，唔明点解要将啲客位挤埋一齐，其实可以间开小小等啲客有返啲空间!朋友嚟齐仲倾紧计 (太耐无见，又 3 个女人一个虚 🤣🤣) 个侍应小姐就不停问我哋落得单未，又叫我哋试吓啲汤。 。 。我哋梗系等主角发办，佢唔想食汤但亚姐姐又不停 sell，我哋唯有叫一盅应酬佢，之后主角话要食豆腐同炒饭，再叫小小肉就倾咗一晚。个汤其实好味，3 个人 share 一盅都 ok。鸡丝粉皮就唔得，完全唔够酱捞匀啲粉皮，当然唔好食啦。红烧花胶豆腐，豆腐可以，但花胶有一阵雪柜味，可能佢哋煮定好多雪住，再加落其他𩠌到，但唔值呢个价 🤔石锅黑椒无骨猪手，味道可以，亦比较浓味，但猪手唔算多。最出色系个脆米炒饭，材料好简单亦唔值钱，但味道竟然好味，个脆米加咗唔少分。如果餐厅改善吓啲服务，呢度唔限时间，想简单倾计食饭都系好选择。