明閣 (香港康得思酒店)

星期三晚已經電話留咗位, 一黎到搵左好耐都唔見我嘅booking, 兩個職員問左幾次同樣嘅問題, 最後相信都係搵唔到, 好彩當時有一張枱可以即刻俾我。漏左booking都唔緊要, 但reception姐姐個面色真係唔好, 好似要佢夾硬俾張枱我地咁。坐低左一段時間後都未見有餐牌, 於是問其中一位員工拎, 態度不友善, 落單嘅時間輕佻。埋單嘅時候想話對一對單, 負責員工又係一副不耐煩嘅樣。酒店水平黎講, 服務態度真係唔合格。撇除服務態度, 食物的確唔差。脆皮蝦腸, 帶子蟹肉餃都足料。炸子雞雖然等左好耐, 不過都炸得好脆同香口。