妹記大排檔 (已結業)

剛好有班朋友嚟香港玩,帶佢哋嚟品嚐下香港地道嘅大排檔。呢日係星期四,下午打電話去book枱嘅時候已經full咗,咁我地7:30pm就walk in,門口都有少少人龍喺度等緊,而我地一行7人剛好有檯。星期四嘅晚上 可以咁爆場真係好好生意,座無虛席,環境相當逼夾相當嘈吵,不過都係嗰句,香港地少人多冇辦法。叫咗8個餸,分別有招牌菜鬼馬油炸鬼,菠蘿咕嚕肉,飛天通菜,乳鴿兩隻,西蘭花炒帶子, 蒜蓉蒸扇貝,金菇肥牛粉絲煲,黑椒薯仔牛仔粒。上菜速度非常非常快,叫左唔夠5分鐘就已經有野食。當晚其實啲餸菜都幾好食,我最欣賞嘅係蒜蓉蒸扇貝,扇貝好大隻,蒜蓉味好重,粉絲又唔會好硬,$50一隻,熱辣辣真係幾好味,好開胃。其次就係菠蘿咕嚕肉,有鑊氣,甜酸度調較得啱啱好。而比較一般嘅,我會話係金菇肥牛粉絲煲同埋薯仔牛柳粒,呢兩款可以唔叫,我哋都食剩好多。埋單七個人一千一百蚊左右,十分抵食。雖然佢呢度人非常多,十分之嘈吵,但係服務唔差,速度好快,侍應唔會係好忟憎嗰啲,呢樣好重要不過咁啱我哋身邊,有一班人(應該係公司同事食飯)包咗四張大檯,佢地個聲浪大到好似去飲既時候敬酒咁,搞到原本已經嘈嘅地方變得更嘈,我哋完全傾唔