妹記大排檔 (已結業)

正呀~如果你問我最鍾意同第一選擇係食咩既話，我一定一定會揀小菜，相信每既女小菜嚟講都幾有名氣所以今日就嚟一試~啫啫通菜，豬手，羊腩煲，薯仔牛柳粒，樣樣都好有水準呀不過可能稍為爭少少爭少少啫

小編好耐無食大排檔，今次同朋友去左尖沙咀既妹記大排檔，其實之前都食過幾次，今次就特別想介紹比大家☝🏻小編今次推介餐廳食物☝🏻◾鬼馬油炸鬼 $88小編最愛的煎炸野☺️好幸福的感覺，小編晚餐8點到，侍應話係最後一碟，太幸福啦，佢外脆內軟，內裡的墨魚滑超正，小編係墨魚滑愛好者，超級推介👍🏻◾️安格斯牛柳粒 $138好好味，煮得好入味，配白飯一流，雖然價錢偏貴，但都值得食架。◾️XO醬爆象拔蚌仔 $88象拔蚌仔都算多，XO醬味不算濃，但係都幾好味，都算抵食。現場環境真係好岩一班朋友聚餐，但係講野傾計方面大家要大聲啲，因為真係幾嘈下。

小弟真係好鍾意食小炒飲啤酒，感覺好放鬆，講乜都得。叫咗乳鴿、啫啫通菜煲、炸大腸、西蘭花鮮魷、椒鹽墨魚咀。乳鴿 - 皮脆，無乜肉，食得唔太過引。啫啫通菜煲 - 呢個幾惹味，推介。👍炸大腸 – 鬆脆乾身，好食。👍西蘭花鮮魷 – 魷魚新鮮好食。椒鹽墨魚咀 – 椒鹽惹味，墨魚咀炸得幾好，無乜油，送酒一流。👍總結：記得20年前已在金巴利街市開始幫襯，至今質素依然穩定，無退步。另外仲有叫咗4枝啤酒，四個人食飯，埋單$480，每人$120，又飲又食，相當經濟。

素聞妹記嘅大名，今日專程黎試試。裝修將街邊大排檔嘅元素帶入室內。餐牌上選擇非常多，好想試勻咁多款菜，本來想叫一份招牌炸豬手，可惜已經賣曬，只得番原隻炸豬手。最後叫左蒜蓉粉絲蒸勝瓜，炸大腸，同鬼馬油炸鬼，全部都系店舖推介。個炸大腸第一口咬落去充滿驚喜，外脆內軟，有少少油爆出黎，但配上酸酸地嘅喼汁又唔會好膩。美中不足只系有幾舊切得比較大，要咬耐啲先碎。鬼馬油炸鬼系大大舊魚肉裹粉炸出嚟。又系外脆內軟，魚肉打到超有彈性，正！勝瓜好新鮮，蒜蓉同粉絲系絕配，好難失手，只系其他兩樣菜特別好食。本身想叫個炒飯，不過見到隔離枱個碟睇落非常大碟，兩個人一定食唔曬。如果想一次過試多幾樣菜，一大班人黎食比較好。店面非常大，每張枱都好闊落，人多都會坐得舒服。

相信大家對佢嘅戰鬥碗都唔陌生啦😏星期六嘅晚市真係非常熱鬧，尖沙咀呢間就冇旺角咁多人，今日兩個人黎食唔洗等位🤪· 🥩黑椒薯仔牛柳粒 (HKD 138)呢味餸係我去大排檔必定會食嘅🤣牛柳粒煮至7-8成熟，食落軟嫩多汁。薯仔炒至焦糖色，略嫌外層就炸得唔夠脆。·🥘豉椒炒蜆 (HKD 78)呢到嘅炒蜆最正係用大大粒嘅蜆，唔係平時食個d細細隻，而且蜆肉都幾鮮甜！d汁仲可以撈飯食🤤今日坐嘅位置剛好對住妹記嘅生招牌貓貓，作為貓奴嘅我，可以一路食飯一路睇住懶訓嘅貓貓🐱非常可愛！

今日提早返屋企團年飯，提早左3日預訂尖沙咀金妹記盆菜返屋企食，盆菜 6人份量) 一打開好足料啊🤤🤤🤤大大個盆，又有鮑魚發財蠔豉蝦魚肚北菇雞壓扣肉等等 😋 食到飽到不得了，抵食好味，仲好細心有埋湯送埋比我地加湯😍 一家人開開心心食團年飯🥳😊金妹記大排檔地址：尖沙咀金巴利道45-47號金巴利廣場地庫

最近向尖沙咀返工，唔係地膽既我當然跟住同事去食飯。黎左哩間室內大排檔嘆住冷氣食，地方大，地板乾爽唔係濕漉漉個種。以前細過食大排檔真係熱住食，地下又濕，無冷氣只有幾把佈滿塵既大風扇吹住食，今次黎到的確令我改觀。午市套餐$47 包埋罐汽水午餐都很多選擇全店以大排檔的格局,待應哥哥先放低一碗例湯(今日系:青紅蘿蔔腐竹湯)無咩味,豉椒排骨炒麵,大大碟的系我最中意既脆面底呀~~正!排骨大大舊,又多肉,面又脆卜卜好食呀,超有鑊氣>U<好耐未試過食到甘好食既,因為出面D面系比濕面架下次試下食夜晚小菜先。

向尖沙咀係唔會搵唔到嘢食嘅，行行吓有人派傳單，拎嚟睇吓先😁傳單上面寫咗好多款野食，好似好吸引，就上去試吓。上到去，店面好大，大排檔式裝修格局。牆上貼左好多小菜的名。侍應帶我坐低就即刻拎餐牌比我，跟住有碗例湯，今日係青紅蘿蔔腐竹湯，冇乜味的。午餐都好多選擇，我揀咗廈門炒米，罐裝忌廉汽水🥤廈門炒米⋯好大碟，仲要好多料，係有蝦仁的，炒米炒得夠乾身，酸甜適中，仲好有鑊氣，好食過酒樓一定會再返嚟試其他午餐😁好想試肉絲炒面！侍應方面，好有禮貌👍🏻

蒸阿拉斯加大蟹($1383)屋企人突然話想食蟹，然後就訂咗阿拉斯加大蟹，四斤二重，加咗少少蛋白蒸，非常超級好食，肉質結實&鮮甜，非常多膏，連腳都有膏，任何調味料都唔需要z💯💯💯💯💯紅燒BB乳鴿($45/隻)連本身唔係太鍾意食乳鴿嘅我都覺得非常好食，乳鴿皮脆，肉質嫩滑而且入味，推介👍🏻👍🏻👍🏻👍🏻👍🏻生炒臘味糯米飯($98)非常多料，略嫌炒得唔夠乾身，豉油味太重金蒜牛油焗桶蠔 ($148)桶蠔大隻，不過好似有少少唔新鮮，炒蒜會令成件事更香口北菇扒豆苗($98)北菇爽口彈牙，可惜獻有少少鹹由於隻蟹係自己order，所以冇得輸! 其他菜式唔錯，份量多，不過會比較重味，非常推介乳鴿，分數：8.5/10

炸炸炸，今日全餐飯都係炸， 可能因為大家都覺得大排檔嘅關係所以同行每位朋友嗌嗰碟餸都係同炸物有關。 最尾啲餸上曬枱先知道成枱都係炸。首先要讚下大排檔夥記非常友善服務周到潮州炸蠔餅太油膩， 炸油炸鬼味道不夠， 炸大腸味道ok， 不過乾咗。炒麵對我嚟講淋咗少少。炸八爪魚咀是全晚最好吃的。

真系熟食街市入面就食過1-2次換左就未食過，都唔知上左樓咁咁岩同一大班愛飲酒既朋友食呢的大排檔冇得頂風咪就真系唔同系熟食街市咁有feel(香港人味道😂）情懷飲酒唔一定要杯，妹記系要用碗😁未一齊先叫呢的食住等，唔系好脆，同可炸耐小小有朋友推介一定要食炸墨魚咀，嘩，勁好食👍一定要叫有朋友系素食者，咁呢個叫左一齊食，好正的豆腐同個汁呢個雜菜煲又系唔錯反而個沙拉骨我就冇食，唔系太吸引我，同太啖啖肉，我就冇試薯仔炒牛肉粒，呢個就唔夠深水埗個間好食呢炸豆腐，炸到岩岩好入面滑一滑，好中意夾埋我脆脆粒食食到咁上下又叫多一轉炸大腸，今次叫佢炸耐小小嚟到真系好食好多架（重點系的員工都聽意見）,唔系唔理你架。正體嚟講10分滿分都有8分架啦真系好食既系差左舊日既地方同感覺會再對食，但一定要4個以上人多叫多個餸都食的曬

勁耐無食大排檔，走咗黎妹記大排檔～ 勁掛住啲野食！！脆皮炸大腸炸大腸超脆！而且洗得都乾淨，大腸控必叫！ 鬼馬油炸鬼必叫！外脆油炸鬼配上墨魚膠，再點啲酸甜醬，一流！ 煎蠔餅又係熱氣之選！蠔餅勁大塊，啲蠔大大粒，好香口！黑椒薯仔牛柳粒 夠哂黑椒味，薯仔有口感，牛柳粒唔會香口膠咁，好食！椒鹽豆腐 啲豆腐勁大舊！配埋椒鹽超香口！蒜蓉粉絲蒸勝瓜稍為健康之選，粉絲索哂啲汁好好味，勝瓜蒸得岩岩好，唔會太淋又唔會太硬！ 妹記大排檔不嬲都好味，最出名當然係戰鬥碗，必打卡！但因為當晚無飲酒所以無得打卡～妹記真係食大排檔三甲之選～

今次第一次黎尖沙咀食妹記，之前都係食旺角個間。入到黎吾洗等直接入，場內都有跟足政府要求有哂隔板。我地點左最出名既豬手，黑椒牛柳粒，同豆角，份量都ok, 3個人都夠食。最出色當然係豬手，非常脆口，肉又非常嫩，必食之選。

食過幾次，除左貪佢價錢唔算貴，同一般茶餐廳大排檔差不多$60-80左右一個小菜（仲要唔使加一），裝修又有大排檔風格外，每次去都必叫佢炸鹹豬手，雖然係要成$200蚊一份，但係非常大份，小編試過3個人去食鹹豬手加3個小菜，食唔晒要打包走😋鹹豬手除左份量大仲要預先切好一小塊方便食又炸到脆卜卜同勁多骨膠原連住D肉，建議一大班兄弟姊妹聚會可以黎試下🐷🤚🏻 。服務：⭐️⭐️⭐️價錢：⭐️⭐️⭐️⭐️食物：⭐️⭐️⭐️⭐️性價比：⭐️⭐️⭐️⭐

突然想食吓鑊氣小炒，朋友推介呢間妹記大排檔，話抵食又夠大碟，一於試吓先！金沙蝦球勁多咸蛋黃，個汁煮列起晒沙又有少少咸蛋黃嘅油香，好邪惡好吸引😍蝦球細細隻，都幾爽口，而且俾厚厚嘅蛋黃汁包裹住，食完好滿足！咸魚茸飛天通菜煲在餐牌見到呢個‘瞓身推介’嘅通菜煲，又見好多人叫嚟食，果然係好介紹！通菜煲熱辣辣大大份，咸魚味恰到好處，通菜亦好嫩好入味，越食越開胃呀！鬼馬油炸鬼油炸鬼包住墨魚滑，炸粉調得好好，食落外皮酥脆，內裡嘅墨魚滑夠彈牙，配埋酸甜汁，食到停唔到口😂勝瓜雲耳炒牛肉食完重口味嘢，食返個清淡啲嘅先，呢味餸都幾有驚喜喎！又係大大碟，而且勝瓜煮得夠腍夠入味，配埋雲耳，成餐飯清新晒😍