影片
更多
2007-10-29
192 浏览
同屋企人一心想打邊爐... 唔想去輝哥, 對面東榮仲有d 狗眼看人低店員, 嬲得我0地位都未有就0拿0拿聲走人唔0係入面食, 行行0下0黎了呢間, 就0黎試試啦.叫了唔少0野, 整體食物質素令人非常滿意:- 四寶丸: 蝦丸10 級彈牙, 仲有有好大粒蝦肉, 味道鮮美, 推介! 豬肉丸一般, 無乜特別; 墨魚丸唔錯, 好彈牙, 又有墨魚鮮味, 仲有粒粒墨魚肉; 鯪魚球就一般啦.- 美國肥牛(圖右最上): 又真係幾肥, 不過咬落無乜味, 亦無入口即溶0既感覺, 麻麻0地.- 反而本地牛肉好食好多, 肉味濃, 脂肪分佈均勻(用0黎鐵板燒都得!), 咬落好腍口感豐腴. 極力推介!- 羊肉片: 口感同上述肥牛相似, 幾羶, 蘸埋腐乳醬就香好多, 唔錯.- 1 人1 隻花竹蝦: 好新鮮, 放入湯時d 腳仲識郁的... 份量驚人, 大到成隻雞翼咁... 好多肉(連d 腳都有, 唔係得塊殼), 肉質爽脆, 好鮮甜! 另外一定要「輪」埋個蝦頭, 膏唔多不過好香.- 脆肉鯇魚腩: 夠脆, 不過得個脆字, 無乜味.- 湯底: 揀了香花菜+ 冬瓜0個隻底, 貪佢清清0地... 驚喜0既係d 冬瓜片好清甜,
叫了唔少0野, 整體食物質素令人非常滿意:
- 四寶丸: 蝦丸10 級彈牙, 仲有有好大粒蝦肉, 味道鮮美, 推介! 豬肉丸一般, 無乜特別; 墨魚丸唔錯, 好彈牙, 又有墨魚鮮味, 仲有粒粒墨魚肉; 鯪魚球就一般啦.
- 美國肥牛(圖右最上): 又真係幾肥, 不過咬落無乜味, 亦無入口即溶0既感覺, 麻麻0地.
- 反而本地牛肉好食好多, 肉味濃, 脂肪分佈均勻(用0黎鐵板燒都得!), 咬落好腍口感豐腴. 極力推介!
- 羊肉片: 口感同上述肥牛相似, 幾羶, 蘸埋腐乳醬就香好多, 唔錯.
- 1 人1 隻花竹蝦: 好新鮮, 放入湯時d 腳仲識郁的... 份量驚人, 大到成隻雞翼咁... 好多肉(連d 腳都有, 唔係得塊殼), 肉質爽脆, 好鮮甜! 另外一定要「輪」埋個蝦頭, 膏唔多不過好香.
- 脆肉鯇魚腩: 夠脆, 不過得個脆字, 無乜味.
- 湯底: 揀了香花菜+ 冬瓜0個隻底, 貪佢清清0地... 驚喜0既係d 冬瓜片好清甜, 特別係食到最後吸晒所有食物0既味, 食落特別滋味.
另外仲叫了娃娃菜, 豆腐, 芋絲同九州拉麵, 不過普通料, 唔講咁多. 不過不得不提送的果盤, 西瓜厚切, d 橙就砌得好靚, 形狀好似個橙皮碗載住一粒粒可「拮」0黎食的橙肉, 認真有心思.
環境ok, 下層全部係4-6 人檯, 唔覺得迫, 而且同場食客全部係斯文一族, 完全唔會嘈; 招呼都ok, 雖然阿姐好cool, 但有個serve 我0地的男仔好有禮貌.
4 個人埋單$1,4xx, 好貴呀... 不過d 0野真係好好食, 個人覺得比起對面輝哥, 呢度質素較高, 整體比較抵. 會考慮再幫襯!
张贴
