影片
更多
2011-12-19
24 浏览
尋日係第3次係li 度食, 再食係因為覺得li 度野食其實唔錯, 不過今次之後都應該唔會再食~ 一行到去, 又見到o個位女藝人係度, 行到入去坐低, 我同朋友異口同聲話洗唔洗咁黑面呢? 到叫野食, 我地2個人揀左個軟飯, 鵝肝牛柳薯蓉同加$28 要左個小食焗田螺, 其實佢d野真係幾好食, 好岩我地口味, 只係個鵝肝有dd 燶~到我地食完, 3碟淨係食淨個焗田螺既薯蓉 (隻碟手掌咁大, d 薯蓉半隻湯匙圓圓地部分咁高), o個位女藝人見到問我地食完未, 我地答食完, 咁岩有位男士(唔似一般waiter, 應該都係高級或者老闆) o係佢後面行過問食完未 (我估佢應該係同女藝人講掛), o個位女藝人再問我地一次食完未, 我地又再答多次食完喇, 之後位女藝人就" 下, 食完架喇" , 佢再同o個位同佢有一段小距離既男士講" 佢地食完架喇" , 之後就見到佢扲住個食淨既薯蓉放左o係後面佢地放野個櫃上面, 其他碟之類就放落佢地專放碟既車仔度~ 到埋單, 位女藝人扲左張單黎, total 3xx, 我放低左張$500, 見佢未收 (我冇向上望佢個樣), 我同朋友都以為自己睇錯俾少左所以佢未收, 再
一行到去, 又見到o個位女藝人係度, 行到入去坐低, 我同朋友異口同聲話洗唔洗咁黑面呢?
到叫野食, 我地2個人揀左個軟飯, 鵝肝牛柳薯蓉同加$28 要左個小食焗田螺, 其實佢d野真係幾好食, 好岩我地口味, 只係個鵝肝有dd 燶~
到我地食完, 3碟淨係食淨個焗田螺既薯蓉 (隻碟手掌咁大, d 薯蓉半隻湯匙圓圓地部分咁高), o個位女藝人見到問我地食完未, 我地答食完, 咁岩有位男士(唔似一般waiter, 應該都係高級或者老闆) o係佢後面行過問食完未 (我估佢應該係同女藝人講掛), o個位女藝人再問我地一次食完未, 我地又再答多次食完喇, 之後位女藝人就" 下, 食完架喇" , 佢再同o個位同佢有一段小距離既男士講" 佢地食完架喇" , 之後就見到佢扲住個食淨既薯蓉放左o係後面佢地放野個櫃上面, 其他碟之類就放落佢地專放碟既車仔度~
到埋單, 位女藝人扲左張單黎, total 3xx, 我放低左張$500, 見佢未收 (我冇向上望佢個樣), 我同朋友都以為自己睇錯俾少左所以佢未收, 再扲起張單望係3xx 冇錯喎, 跟住就估到佢應該唔知我俾左$, 相信佢個人係我li 張檯, 但係心同視線去左另一張檯, 咁我唯有等佢收$ 再找$ 俾我啦....
出左門口, 我同朋友都覺得唔會再有下次~
我都唔想浪費食物, 但係冇諗過幾粒手指尾指甲咁大既田螺會配碟咁多既薯蓉, 可能有人會覺得人地俾多你都要話人地俾多, 但係如果我點菜時知道會有配咁大碟薯蓉, 我知實食唔晒而唔叫li 個小食, 我地都盡左力食, 但係o個d係薯蓉, 真係飽到頂住~
我唔理佢之後扲左個薯蓉點處理, 但係係咪唔應該係個客面前咁講野呢?
所以打li 篇前睇到樓下有篇講員工差老闆都有問題既post, 好認同~
张贴