老百姓火鍋刺身 (已結業)

難得而家係四人限聚令，嗱嗱臨幫朋友慶祝返生日先，如果唔係一拖又唔知拖到幾時朋友又話想食刺身又話想打邊爐，所以就選左依間，貪佢新開，裝修又幾靚。我地約左19:30，可能因為疫情關係，人流未算太多，但座位之間很闊落，空間感很大。我地叫左盤刺身，都好新鮮。店員推薦左我地試「花甲鍋」花甲大大隻，重好鮮甜，而且好足料Tim火鍋緊係叫牛啦！4個人我諗都吾諗就緊係一馬當先order左一份大既安格斯牛頸脊，比起我想像中大份，牛肉輕輕涮幾涮就可以吃，入口軟淋，濃郁牛味。黑松露墨魚丸，一客有8粒，吃得出是手打，中間重有粒粒墨魚🦑。黑松露味道吾算重，吾會搶曬味。牛骨髓，我就最中意滑嘟嘟既感覺。芋絲配火鍋亦是一流主力推介是炸響鈴，因為佢真係即炸架，一咬就會散個隻呀！正呀😁重配左個甜酸汁，就算吾點湯亦好好食。竹蔗茅根是火鍋既好朋友，幾岩我口味，吾會太甜。總括然而，依到既火鍋料份量都偏大，性價比幾高。