pho.dle.bar (已結業)

見戲院附近開咗間越南菜餐廳幾靚、而且價錢又唔貴，就同媽媽去咗食。我哋揀咗幾款食物：▶️香茅牛肉撈檬 牛肉好多，有烤過嘅香味，仲配上洋蔥🧅又香又好味😋撈檬有芽菜、炸蒜、生菜絲等，加埋魚露撈埋一齊食非常好味！▶️蟹肉大蝦蕃茄湯檬 面上有蟹肉，而且仲有大蝦夠爽口。鍾意佢番茄湯底夠濃郁，仲有豆卜等配料、成碗粉都非常豐富。▶️越式炸春卷一份有三條，係長嘅春卷，新鮮炸熱辣辣、包埋山菜食好味！▶️飲品 鮮青檸羅勒薄荷梳打，酸酸地、夏天飲好夠爽🍹菠蘿梳打有靚靚嘅花，整得好靚，好夏日feel, 菠蘿都幾酸飲完幾開胃。