影片
更多
2022-07-06
2139 浏览
之前同家人慶祝，就決定去未試過既厚福館試下~我係Openrice訂位，果日去到同店員講訂左位，店員就話晏就打過比我，但係我話無訂到枱，我就同店員講番今日無人打過比我Confirm Booking。再講多陣先知店員原來抄錯電話落佢地本簿度，我就同店員講番話佢地抄錯電話，所以佢地打錯電話。但係店員就不停重覆話我話無訂到枱，完全唔聽人解釋，雞同鴨講咁….其實我成家人都已經到曬門口，就算無訂枱店員都應該可以作出安排，但係店員既處理手法好差又好無禮貌，搞左好耐先安排位比我地我地一坐低店員就企定定係我地張枱旁邊，問我地食咩，我地就同佢講我地想睇下先，但係佢就一路企係度問左幾次…..最後我地揀左豪華龍蝦四人宴 $2288。個餐包左 時令海膽刺身 (4匙) 加拿大A級野生蚌刺身 (磅半)個冷盤擺得幾吸引，仲有D乾冰效果。海膽同生蚌刺身感覺都幾鮮甜，生蚌刺身好爽口，唔錯唔錯。時令活龍蝦刺身 (約兩斤)第一次食龍蝦刺身，都好爽口彈牙，睇落去好似好大盤，但係好好食，食下食下好快就食曬。雞油花雕蒸澳洲龍蝦 $100個龍蝦頭同身可以選擇做一款菜式，我地揀左雞油花雕蒸，依個菜式要加$100。一黎到已經聞到好大
我係Openrice訂位，果日去到同店員講訂左位，店員就話晏就打過比我，但係我話無訂到枱，我就同店員講番今日無人打過比我Confirm Booking。再講多陣先知店員原來抄錯電話落佢地本簿度，我就同店員講番話佢地抄錯電話，所以佢地打錯電話。但係店員就不停重覆話我話無訂到枱，完全唔聽人解釋，雞同鴨講咁….其實我成家人都已經到曬門口，就算無訂枱店員都應該可以作出安排，但係店員既處理手法好差又好無禮貌，搞左好耐先安排位比我地
我地一坐低店員就企定定係我地張枱旁邊，問我地食咩，我地就同佢講我地想睇下先，但係佢就一路企係度問左幾次…..最後我地揀左豪華龍蝦四人宴 $2288。
個餐包左
時令海膽刺身 (4匙) 加拿大A級野生蚌刺身 (磅半)
個冷盤擺得幾吸引，仲有D乾冰效果。海膽同生蚌刺身感覺都幾鮮甜，生蚌刺身好爽口，唔錯唔錯。
時令活龍蝦刺身 (約兩斤)
第一次食龍蝦刺身，都好爽口彈牙，睇落去好似好大盤，但係好好食，食下食下好快就食曬。
雞油花雕蒸澳洲龍蝦 $100
個龍蝦頭同身可以選擇做一款菜式，我地揀左雞油花雕蒸，依個菜式要加$100。一黎到已經聞到好大陣花雕味，食落去係重花雕味，但係就唔會覺得好油，如果中意花雕味就一定要試。龍蝦殼仲會有小小龍蝦肉，而龍蝦頭都有膏。
香炸黑松露餃 (6隻)
原本以為黑松露餃會怪怪地，但食落黑松露味雖然好出，但係原來做餃子係幾好食，而且炸到好脆口。
湯底我地揀左招牌足料佛跳牆湯底，店員叫我地先飲到D湯先，因為D精華係曬第一次既湯度，而且係最濃味，飲落真係幾好味同埋好足料。飲完之後就可以加湯打邊爐啦~
時令鮮蠔 (6隻)
隻隻都好肥美，食落唔會好腥，應該都新鮮既。
新鮮粟米併金菇 (例) 時令雜菜併盤 (例)
招牌封門柳牛肉 (大)
都係第一次食封門柳牛肉，成日都聽人話幾好食，今日一試，真係唔錯，好重牛肉味，肉質都好淋。
西班牙黑毛豬肋條 (例)
肉質有D韌，牙力唔錯好既就未必岩食。
厚福餃子併盤 (例)
招牌汕頭牛丸併潮州魚蛋
手打芫荽麵 (1個) 有機蕃茄粗麵 (1個)
以下係散叫既
特濃第一刀豬頸脊 $88
依個好食過西班牙黑毛豬肋條好多~
脆炸魚皮 $38
鮮蝦滑 $88
每位要收茶芥/醬料 $18 /1
整體黎講野食係唔錯，高水準，但係服務態度真係好差，店員安排唔好又無禮貌，短期內都唔會想再去食。
另外見到原來一榨既竹蔗矛根唔係自己沖，而係將某牌子既枝裝竹蔗矛根倒落個水壺度。
张贴
