至尊滿屋日本料理 (已結業)

旺角嘅日本放題餐廳多如繁星,上網見到呢間人氣都唔錯,一於和朋友來試下先。瓊華呢間至尊滿屋地點都算方便,上到去地方都好寬闊同乾淨,差不多都坐滿曬了,果然好有人氣!自助飲品區任攞任飲,選擇超多。如果你飲清酒,呢度都有提供。仲可以叫另外4款特色飲品。自助甜品款式就少咗D,不過不失啦~~食放題最興奮見到有咁多紙俾你選擇,哈哈~~第一輪即刻叫咗刺身先~款式都多選擇。蝦刺身隻隻都好大隻，帶子仲好鮮甜爽口!之後再叫左三文魚,厚切,入口味道鮮甜,估唔到咁高質叫左少量壽司,有芝士鰻魚,材料好豐富,口感唔錯。賣相挺好,但唔想太飽,所以和朋友一人一件避風塘炒牛柳,份量好多而且香口,牛柳嫩滑,好食!炸物唔會食到成口油,感覺驚喜,我最喜歡温室南瓜天婦羅,溫室南瓜夠曬甜,軟綿綿好好食~~!燒羊架,燒得香噴噴, 肉質好淋而且入味,一點也不乾同唔SO。泰式鳳爪酸辣酸辣,好開胃飯後甜品不可少,我簡左Haagen-Dazs 的季節限定。(每人限一杯)價錢嚟講都唔太貴, 而且冇漏單,叫咗的食物都嚟齊晒, 店員的服務真係好好,好主動收碟,又細心地提醒某台客人如果坐熱蘆薈飲品會變酸,佢地的手腳真係好快,所以真係不得不讚!!