影片
更多
2014-07-20
3829 浏览
先講不愉快經歷 - 服務差：話說當日一行4人去完文化博物館後決定食西餐，行到一半就用新城市手機APP向博洛尼亞訂檯，去到過咗一個號碼，咁算啦，個APP寫明過5個要重新排呀嘛，咁咪同門口小姐講訂咗權囉，反正等位的人唔多。點知個小姐叫我等陣後後就招呼另一個客，我企咗一陣見唔對路咪再問囉，佢又問我咩事。喂！啱啱同你講完，而家又問，即係叫我等陣係放我埋一邊唔理啦！咁我再同佢講，就求其指隔離張檯俾我，我話係訂咗窗口位，佢態度好差話「你而家係遲咗」，我再say「唔係遲咗5個先要再排咩」，佢就好晦氣咁話「咁而家無位喎」。由於肚餓要食，又唔想再搵，我算數！講食物 - 唔錯，不過徧貴：由於佢D Set Dinner真係唔值佢個價，所以我哋4人叫咗2個set加2個A-la-carte一齊share，都夠。厚多士Set Dinner有餐湯、厚多士、餐飲。餐湯可選紅白，厚多士就係原味，烘過都唔錯，外脆內軟，甜甜地，不過無傳說中81層咁好食。皇族咖啡有D次茶湯，淡淡的，味道幾清。有件甜點放杯邊，賣相幾好。白汁三文魚意粉有磨菇、三文魚。因為太多汁，賣相不算討好。但佢D汁其實啱啱好，食落碟意粉不太淡或太濃，同埋D汁
話說當日一行4人去完文化博物館後決定食西餐，行到一半就用新城市手機APP向博洛尼亞訂檯，去到過咗一個號碼，咁算啦，個APP寫明過5個要重新排呀嘛，咁咪同門口小姐講訂咗權囉，反正等位的人唔多。點知個小姐叫我等陣後後就招呼另一個客，我企咗一陣見唔對路咪再問囉，佢又問我咩事。喂！啱啱同你講完，而家又問，即係叫我等陣係放我埋一邊唔理啦！咁我再同佢講，就求其指隔離張檯俾我，我話係訂咗窗口位，佢態度好差話「你而家係遲咗」，我再say「唔係遲咗5個先要再排咩」，佢就好晦氣咁話「咁而家無位喎」。由於肚餓要食，又唔想再搵，我算數！
講食物 - 唔錯，不過徧貴：
由於佢D Set Dinner真係唔值佢個價，所以我哋4人叫咗2個set加2個A-la-carte一齊share，都夠。
厚多士
Set Dinner有餐湯、厚多士、餐飲。餐湯可選紅白，厚多士就係原味，烘過都唔錯，外脆內軟，甜甜地，不過無傳說中81層咁好食。
皇族咖啡有D次茶湯，淡淡的，味道幾清。有件甜點放杯邊，賣相幾好。
白汁三文魚意粉有磨菇、三文魚。
因為太多汁，賣相不算討好。但佢D汁其實啱啱好，食落碟意粉不太淡或太濃，同埋D汁唔杰身，不會有「痴立立」，味道很不錯，賣相可做好D。
日式拿破崙意粉有辣肉腸、火腿。
甜甜地、唔辣，幾開胃，味道平均散落每條意粉。
帆立貝意大利飯D帆立貝都都有少少鮮味，唔腥，可惜碟飯汁太稀。四隻帆立貝放喺吸引，如果多番D顏色就更好。
炸魚豬扒拼盤有薯條、炸魚柳、煎豬扒。
熱辣辣，魚柳炸得脆口，不過切時有D散，魚肉唔多，反而係表面層漿厚。豬扒煎得好，食落唔油，不過少豬肉味，可能係原料問題。
题外话/补充资料：
呢間野服務真係差，途中因為唔夠餐具，叫waiter/waitress推餐具或掴碟 (for share)，d服務員大多黑面及托上不耐煩態度。即使食物OK我都唔會再去！
(以上食记乃用户个人意见 , 并不代表OpenRice之观点。)
张贴
