影片
更多
2019-07-19
1981 浏览
來吃晚飯，一如既往餐牌上有客人的姓名，寫上Happy Birthday.其實香港有得多扒房，標榜自己係steakhouse，扒類係不能失手。今晚叫咗Porterhouse 24 oz, Medium. 洋蔥湯，炒蘑菇，薯蓉。服務: 一間酒店級嘅扒房，好多服務上嘅細節，係差到有點那個。湯未飲完，已經上個牛扒。我而家唔係食緊快餐。時間控制方面，係侍應職責, 要同廚房溝通。無位放，所以侍應用佢手上嘅碟，推開我嘅湯碗，騰岀空位去放碟。碗湯就放埋一邊。由於牛扒係兩份食。就俾兩個吉碟我地食扒用，碟上面有幾片菜裝飾，但由於碟已預熱，所以那幾片菜就乾哂痴住隻碟。我切開件扒，近骨位置係生嘅。其餘係3成熟。但我係叫五成。侍應無黎過check back件扒煮成點樣。後來經理過來問件扒點樣，我如實説。佢呆一呆，然後竟然答我: 骨位係比較難控制。再無任何說話，笑一下，就行開左。咁就當處理咗食客嘅意見？幾正。其實我去扒房，就係食件靚扒，食廚師功力，服務，環境。否則，同花園餐廳有咩分別？全部工作人員都打衝鋒咁，面容緊張。乜都趕住。水，唔自動refill。飲緊冰水，就斟暖水俾我。餐廳室溫過暖。外面氣溫35度呀。生日送
其實香港有得多扒房，標榜自己係steakhouse，扒類係不能失手。今晚叫咗Porterhouse 24 oz, Medium. 洋蔥湯，炒蘑菇，薯蓉。
服務: 一間酒店級嘅扒房，好多服務上嘅細節，係差到有點那個。
湯未飲完，已經上個牛扒。我而家唔係食緊快餐。時間控制方面，係侍應職責, 要同廚房溝通。無位放，所以侍應用佢手上嘅碟，推開我嘅湯碗，騰岀空位去放碟。碗湯就放埋一邊。由於牛扒係兩份食。就俾兩個吉碟我地食扒用，碟上面有幾片菜裝飾，但由於碟已預熱，所以那幾片菜就乾哂痴住隻碟。
我切開件扒，近骨位置係生嘅。其餘係3成熟。但我係叫五成。侍應無黎過check back件扒煮成點樣。後來經理過來問件扒點樣，我如實説。佢呆一呆，然後竟然答我: 骨位係比較難控制。再無任何說話，笑一下，就行開左。咁就當處理咗食客嘅意見？幾正。
其實我去扒房，就係食件靚扒，食廚師功力，服務，環境。否則，同花園餐廳有咩分別？
全部工作人員都打衝鋒咁，面容緊張。乜都趕住。水，唔自動refill。飲緊冰水，就斟暖水俾我。
餐廳室溫過暖。外面氣溫35度呀。
生日送上甜品，爉燭插喺碟上，都係歪嘅。侍應一手攞甜品。一手攞碟。所以每樣餐具放上枱嘅時候，都好大聲，因為餐具重丫嘛，趕住放低。但你係酒店，唔係cheesecake factory美式家庭餐廳丫嘛。俾返少少服務丫。可唔可以分開攞？騰岀一隻手執好張枱，再放甜品。
食物味道: 洋蔥湯: 鹹到一個點。又混濁又鹹，裡面塊baguette唔知浸左幾耐，淋哂。由我點菜，到上洋蔥湯，5分鐘,咁你諗下碗湯係點煮岀黎。$170。
Porterhouse: 鹹到一個點。無牛味，叫Medium, 煮左rare-medium rare. 夠膽收$848.
蘑菇: under season
薯蓉: 嚡口。
食緊千幾蚊一餐，咁嘅服務，sorry. 無下次。大家都考慮吓會唔會俾千幾蚊食快餐啦。
Porterhouse 24oz
$848
48 浏览
0 赞好
0 留言
28 浏览
0 赞好
0 留言
张贴
