羽壽司 (已結業)

去銅鑼灣行街，順便去羽壽司食少少嘢。唔係太肚餓，只係叫咗6碟壽司：1)海膽壽司2碟：特價$8一件，即係$16一碟。海膽算新鮮，不過得好少海膽，仲要用青瓜絲撐起，有D孤寒喎～2)海螺壽司：海螺爽口，都算新鮮。3)三文魚壽司：三文魚薄左D，不過都合格。4)玉子壽司：小朋友最愛，唔係自家制，所以中規中矩。5)珍寶帶子壽司：又係特價$8一件，不過呢個一D都唔孤寒，好好好好好大隻帶子！雖然大隻，不過就唔算鮮甜。總括嚟講，食物係可以，不過服務比較差。當日嘅侍應全部都係後生仔女，個個都要叫好多次先應人，要改善一下。如果都係銅鑼灣，我會鍾意板前或者板長多D！