居食屋「和民」 (已結業)

太耐冇食，滿心歡喜去食和民。下午五點鐘，冇人等位，即刻入去，我地未坐底見到卡位冇人坐，問個仕應可唔可以坐卡位，佢話唔得，好算。咁坐二人位揀野食，揀左三四分鐘，仲未有一杯水或茶，叫埋野食前後都六七分鐘，都仲未有，咁我叫佢比杯茶'佢先啊係喎'。同時我見到另外有對情侶入座，我想坐果個卡位，可能要訂啦。係我等緊野食既時間，我留意到，d員工落單既時都係冇咩禮貌，黑面神咁。我明白做飲食好攰，但係都唔使黑哂面咁對客掛，但係佢地返去落單機果陣，佢地個個都笑容滿面。點解會咁架？服務態度認真唔掂！食物方面，都仲ok好食，但個員工都係有問題，好似完全未訓醒咁，食刺身冇豉油碟，食茶碗蒸冇木匙羹，又係要問，搵手吃麼？問完比隻甜品羹我............員工態度好睇個呀頭點管，希望有機會再食，會有所改變。