居食屋「和民」 (已結業)

和民集團旗下有和民/饗和民/和亭 /kitchen J/ GOCHISO咁多間我只去過和民 和亭 KITCHEN J 做得最好又抵食都係和亭平民價 和民行中價 KITCHEN J高檔路線在尖東新太陽廣場內原本的和民已改造為饗和民 再高檔啲 不用去太古也可品嚐到 充滿期待其實因為等朋友收工去食晚餐關係我只ORDER甜品早前係網上見到有自家制PANKCAKE好想試 點知沒有得賣 便試試芭菲服務由入座15分鐘都沒有人招呼 沒有茶水 也許見到我一個人吧 沒有服務也沒有心情抹茶芭菲 $58其實20蚊都不值 上面有兩舊橙 仲要皮未切好 一粒仔的忌廉 中層抹茶奶凍同牛奶奶凍 最低層可可脆片同圖不同 就算不是軟雪糕是忌廉也不應該支得一粒就算落枱時匙羹是痴痴的有忌廉 杯旁也是 用短羹食芭菲第一次見賣相味道服務衞生抵食

午飯時段有尖沙咀岀沒，想吃日本菜。在千兩和和民門前想了又想，還是覺得和民的午市套餐更吸引。和民松花堂便當 ($108) 很豐富！有刺身，三文魚，炸物，牛舌，沙律和味噌湯。 這個價錢在尖沙嘴地段來説已是超值。魚生很新鮮，種類也算多，有三文魚，帶子和蝦刺身。炸物粉漿太厚子，不好吃。牛舌頗硬，太韌很難咬開。三文魚還可以，但沒什麼特别。友人點食鯖魚燒定食賣相也不錯！鯖魚燒熱度足夠，可惜但有點腥味。除了燒魚還有蒸蛋，蒸蛋很滑漏，好吃。以 $68 來説是掋食之選，但味道真的很普通。餐茶除了咖啡奶茶，還有蜂蜜生薑茶，很特别。薑味也頗重，不錯。

不得不說，其實和民一直都係我最愛❤️因為每次當我諗唔到食咩，想食d甜甜地，但有想食咸咸既食物時，總會有間和民係我身邊出現😆 大眾化價錢，食物款式多，而且服務及環境都好舒服。軟殼蟹卷，軟殼蟹炸後唔油，加埋飯卷內有沙律醬、生菜、牛油果配搭。真係不得之了咁好味，而且分量又唔太少，作為前菜的確一流👏🏻燒魷魚，日式燒汁好好味，醬汁唔咸，帶帶甜甜的味道，一睇相就知真係足料，而且火喉控制得岩岩好，唔會話燒過龍。難怪佢會成為我最愛之一

It has been a long time since the three of us met. We are always looking for somewhere quiet and comfortable. Watami Japanese Restaurant is just the right place for us. We got here at around one and there weren't many people. Food here was nice, just as normal Japanese standard.We had pepper beef rice, fried egg noodles in Japanese style and cheese rice cake. Both are quite nice. Will definitely come back for the quiet environment.

On friday, I went here with 2 friends. As we didnt want to wait for a long time after so much work, we decided to dine here because no one was queuing at the moment. We went inside. There was a promotion about completing a survey and a drink coupon of $38 free. After completing the survey, I ordered a yuzi alcoholic beverage. The drink wasnt really that good. I dont like it much. Then we order a set for 2, including a main dish, a hot pot, salad, salmon, ice-cream, and drinks. Th

今餐以試新野為主^^.盒子串燒飯 98$本身見到有3個盒子既飯都好吸引 選擇困難症之下就叫朋友幫手作出選擇 最終串燒當選 實物與圖係一樣 我地兩個人share黎食成個飯都幾好食 唔會話好冇味不過食開重口味既朋友可能會覺得冇咩味但個人黎講覺得幾好食 但食到底先發現原來份量不多 個盒個容量係好淺......並唔係看上咁深香烤芝士年糕 38$突然超想食芝士 但又唔食得烤野 只好選擇個冇咁熱氣架啦 本身以為係甜既但原來係咸架 上面仲有小小蔥邊邊位最正 因為脆脆地 😋 但咸既位多數集中左係中間 可能係因為佢個醬淋左係中間😖自家製海藻豆腐沙律 half 38/full 63$都係普通既沙律 入面有我最愛既蟹柳仲淋左芝麻醬 😋Half 已經夠哂2個人食和民特製 鐵板燒一口餃子 48$有好有壞既一碟野...好在佢會一直都係熱既...壞係..佢個餃子底唔知咩事..成片野咁....？鰻魚山芋木桶飯 98$上菜果陣真係成個桶咁黎...仲有個個水胡咁既野原來係要將啲湯倒落個飯入面...倒完之後都幾後悔....完全唔知食緊咩😂😂宇治抹茶芭配宇治抹茶 $28女仔一定要食甜品☺️ 我既話當然不離抹茶啦不過賣相真係🤢🤢

來尖沙咀的話，通常都會去新太陽廣場的和民食晚飯， 每次來到都不用等位，而且位置都近港威中心和巴士站.點了牛油咖哩黃金鍋(小) $58， 另加烏冬 $28牛肉有6件左右，加上大量生菜，少量盧荀和 南瓜等蔬菜，另跟2隻雞蛋，份量算多.  湯底是濃濃咖哩汁，少辣帶甜，似日式咖哩. 烏冬是正常一客份量，彈牙不會容易變軟.另外，侍應生會給一少瓶咖哩汁，方便加湯最後還點了石鍋鮭魚魚子飯 $73上菜時，飯和魚子分開. 方便撈勻時不會整爛魚子.鮭魚呈半熟狀態，撈勻後全熟了，不過因有飯焦，整個飯食落好香口，飯的份量都算多.

點了一個牛肉烏冬，軟殼蟹壽司，芥末雞翼和泡菜豚肉石鍋飯，總括而言，三樣都好難食，得個雞翼係值得推介！烏冬湯冇味，隻蛋應該係生架麻，打係面，但係來到既時候，隻蛋已經熟熟地痴住係個煲邊，然後啲烏冬又超級林。軟殻蟹壽司味道唔錯，但係啲飯好林，林到好似粥既上一級，好彩味道唔錯！但係一卷78蚊，俾咁既質素真係唔掂！泡菜豚肉石鍋飯賣相一般，味道都ok，不過會淡口啲，但整體來講依個飯唔值68蚊！芥末雞翼都值得推介！炸到好香口！味道都好！雖然食物就超級麻麻，但勝在服務好好，店員細心！依方面好欣賞。和民以前好好食，依家既和民真係難食左好多！

平時一向都鍾意食和民, 因為款式夠多, 諗唔到食咩都可以隨便叫幾款小食黎食但係今次既體驗真係比較差叫左和民沙律, 蜜糖芥末脆雞翼, 豚平燒 , 和民特製鐵板燒餃子 (本身仲叫左個用木桶裝既菜式, 好似係鰻魚飯, 但由於D木桶俾人用哂, 所以無得食)和民沙律 ($68) : 都算正常, 係份量少D, 同埋鋪係上面既脆脆比較油蜜糖芥末脆雞翼 ($43): 個雞翼我估計係雪藏未解哂凍就拎去炸, 因為出面都己經炸過龍, 但入面仲係未熟哂, 再加 d  hea到爆既蜜糖芥末醬豚平燒 ($58): 算係最好既一樣最後最嬲既野上台了佢一上台個樣就係咁, 我都用左幾秒去諗自己叫左D咩.... 和民特製鐵板燒一口餃子 ($48): 我都知道平時煎餃子會刻意煎下D粉漿水令佢地有層簿簿既脆皮連埋佢地一齊, 方便處理亦增加口感。但絕對絕對唔係咁樣一塊勁厚既野囉係能夠夾起哂成塊所謂既一口餃子! 一夾起就見到個鐵板D油多到不得了! 起哂泡咁樣, 真係見到己經想埋單 最後食肉唔食皮就算埋單計埋加一要 $238.7我知出街食飯係要錢, 但老實講, 但我去樓下埋單平一半既連鎖義式薩XX餐廳食, 都係有沙律都係有雞翼,

大約半年前，我試過幾次在和民吃lunch失望而回的經歷後，我已經停了幫襯好一段日子。昨天午飯時間，我心血來潮，想試試和民的水準有沒有回升，怎料⋯我又再一次失望！首先，我在門外取票等位，已花了約15分鐘，到坐落點菜已1:00pm ，我只點了一個#16號lunch set 牛肉湯烏冬窩，加$18一碟牛油果三文魚壽司，餐飲要凍檸茶（正因爲我追我個餐太多次，所以我而家仲記得係#16 lunch set )坐低連落完order 10分鐘後，仍然沒有人意識到要給我和朋友各一杯茶？我忍不住要主動問服務員：「可以給我們茶嗎？」服務員拿了茶給我們後，等了又等，我們一直沒有食物和飲品大約15分鐘，催了一次, 約1:25pm, 飲品才到！但食物還未到⋯⋯⋯結果，我們再催多一次，服務員說我朋友的三文魚子石窩飯就快到，而我的牛肉湯烏冬窩就要多等5分鐘。我朋友的lunch set 終於到了，那時已經1:35pm, 前菜沙律的芝麻醬少得可憐，石窩內的三文魚只有非常薄，非常小，只有3小薄片，三文魚籽的份量也比半年前的少了！等了半個鐘有多的standard lunch set 都做得咁「求其」！令人失望！朋友太肚餓，已

星期一晚同朋友行開尖咀，肚仔有d餓，見呢度d位幾闊落，甘就呢度食dinner啦。呢晚2個人都有卡位座，坐得幾鬆動，最岩2個人傾下偈。卡位都幾企理、乾淨。唔好講甘多，頭先行左甘耐，即刻倒杯熱茶解解喝先。2個人，唔係好餓，見d sets唔多岩食，甘就散叫左1飯，1烏冬，2小食。先黎個金菇牛油帆立貝。哎也也，因為鐵板關係，片檸檬真係熱死人，甘有佢同無佢都無分別，因為熱到都整唔到d檸檬汁出黎。金菇幾入味同滑溜，吸左汁d精華，都唔錯。甘個主角帆立貝又點呢？都ok，起碼無熟到硬曬，比預期好。表現合格。再黎個滑蛋牛肉烏冬。牛肉份量就少左dd，不過都尚叫有牛肉味，牛肉幾薄身，但少少韌，至於烏冬就普通無驚喜，無咩咬口。滑蛋豬扒飯，蛋過熟，豬扒小小乾身，飯比較濕。呢個朋友叫的，炸獅子狗魚蛋秋葵，即係獅子狗魚蛋入面塞d秋葵同醮炸漿炸，我會用「幾打耳」去形容，至於好唔好味......其實都ok。以地理位置、價格、服務態度、食物質素等，overall甘去睇，表現都唔差。

見menu咁吸引諗住試下，點知見到真身忍唔住笑左！唔止個樣肉酸，d豆粉同糖漿都好似俾同唔俾之間…超級失望！其實和民近年來既食物質素越黎越差，好味有特色既款式已經抽起哂，例如泡菜海鮮冷麵… 所以而家都少左好多去食luuuu...

今日同朋友經過尖沙咀，廣東道嗰邊嘅餐廳通常都唔平，最後都選擇咗食和民。由於唔係太肚餓，所以淨係叫咗一個牛肉壽喜燒配白飯，另加一份餃子，以及一個綠茶甜品。之前嚟食都有食過牛肉壽喜燒，壽喜燒湯底食落甜甜地配上金菇蔬菜，配合白飯食一流。肥牛亦都非常薄，唔會太多根好容易入口。餃子嘅味道就麻麻，可能因為餃子唔係太熱，餃子皮唔太脆，而且餡料較為淡，令到餃子嘅味道整體都有啲淡。最後我哋叫咗一個綠茶甜品，自家製葛餅，睇相見到佢好似幾特別咁，以為葛餅似係糯米糍咁，但食落原來比較爽，沾上黃豆粉同綠茶食落感覺非常特別，值得一試。

真係好耐好耐無過過二人世界啦，之前成日俾啲長輩煩著曬，成日問你幾時結婚，真係超級無敵煩，今日終於唔使對著佢地，梗係要出嚟happy下 呢間日本料理噶刺身都幾新鮮，而且品種好多，唔會淨係食三文魚咁寡，而且刺身味道好鮮，無魚腥味 壽司，味道一般般啦，我自己就覺得壽司🈚️板長壽司好食，啲魚味道無想像中咁好 牛肉火鍋，呢樣好食！入面噶食材真係好多，牛肉好新鮮，肉質好嫩，除左牛肉仲有豆腐，芽菜等等，好滿足吖 照燒魷魚，魷魚好大隻，而且燒得啱啱好，味道好香，醬汁好入味

今天又不想吃飯麵，內子帶我到和民吃小食做晚餐。平日晚上不多人，不用等位便可入坐。先來了一個薯仔年糕餅，外包紫菜，增加入口脆度，內裡年糕軟軟韌韌，搭上薯仔年糕醬汁(應該是糖漿溝醬油)，口感不錯。再來雞翼，蜜糖芥末醬主要甜香，炸雞翼香口，雞翼還沾上點點辣粉(還是七味粉?)，不過份，更惹味，彌補沒有醃製的單調雞肉味。之後的鰻魚玉子，蛋份量飽滿，亦恰好包著鰻魚，蛋香饅魚甜。美中不足是整件玉子包鰻魚較濕(從荷葉反光程度可見)，如乾身一點口感會更好。最後的章魚丸子，柴魚片蠢蠢欲動，在丸子上加上醬汁，很想一口一個，不過太熱，只能慢慢品嚐。丸子內章魚粒和麵粉尚算均勻，外脆，內裡彈牙程度尚可，如多燒一會應該更好。