影片
更多
2018-11-04
203 浏览
做義工後，今晚想喺屋企附近簡單食餐飯，見到某訂座app夜晚六點有50% off，就決定一試。舖面走型格路線，招牌用霓虹光管整成，有懷舊感覺，第一印象不錯。踏入店內，同職員講出訂位情況，自呢一分鐘起就感覺到餐廳部分職員可能唔係咁喜歡用discount嘅食客。1) 當時座位好多，但被安排坐喺樓下近門口一張好細嘅檯（同行者身型幾高大）經詢問之下先成功轉去其他位，總算解決左。2) 訂座app只寫特價不包括飲品同套餐，但同事細細聲同我地嘅server講話我地用app訂位後，server話其實燒烤類、甜品、羊架同蜆都係冇特價，佢話app都寫得好清楚，但我搵嚟搵去都唔見。。。算數，不過感覺被騙我地order左日本帶子XO醬燴意大利飯同埋德國脆豬手。3) server上意大利飯時，大聲問另一位同事我地係咪冇叫「其他野食」，我相信佢出發點係好嘅，可能打算如有appetizer就上左先，但其實碟飯都已經拎到面前，佢可以直接問我地有冇appetizer，或者行過嚟之前同同事先溝通好。4) 第二碟上嘅係豬手，上菜後，同事一路行過嚟一路同我地個server講左兩次「太大了吧」，我唔知佢講緊咩，不過由於時間太吻合
舖面走型格路線，招牌用霓虹光管整成，有懷舊感覺，第一印象不錯。踏入店內，同職員講出訂位情況，自呢一分鐘起就感覺到餐廳部分職員可能唔係咁喜歡用discount嘅食客。
1) 當時座位好多，但被安排坐喺樓下近門口一張好細嘅檯（同行者身型幾高大）經詢問之下先成功轉去其他位，總算解決左。
2) 訂座app只寫特價不包括飲品同套餐，但同事細細聲同我地嘅server講話我地用app訂位後，server話其實燒烤類、甜品、羊架同蜆都係冇特價，佢話app都寫得好清楚，但我搵嚟搵去都唔見。。。算數，不過感覺被騙
我地order左日本帶子XO醬燴意大利飯同埋德國脆豬手。
3) server上意大利飯時，大聲問另一位同事我地係咪冇叫「其他野食」，我相信佢出發點係好嘅，可能打算如有appetizer就上左先，但其實碟飯都已經拎到面前，佢可以直接問我地有冇appetizer，或者行過嚟之前同同事先溝通好。
4) 第二碟上嘅係豬手，上菜後，同事一路行過嚟一路同我地個server講左兩次「太大了吧」，我唔知佢講緊咩，不過由於時間太吻合，而且佢突然行過嚟我地張檯，嗰刻令我地唔好意思開始食，諗緊係咪discount就唔應該有呢個份量。
以上種種因素都可能係我地嘅主觀感覺，不過我地兩個真心覺得有hard feeling。。。
講返食物，其實係唔錯嘅。
意大利飯口感適中，加入XO醬有驚喜，辣度對唔食得辣嘅我嚟講都接受到，仲覺得好滋味，帶子煎得剛剛好，好鮮甜。
德國脆豬手上檯時已切好，容易食，皮好脆，明顯係新鮮整，比某d德國餐廳煮得更好！豬手肥瘦比例岩岩好，只係略嫌咸左少少，不過配埋佢甜甜嘅mustard醬，好味😋配嘅少少沙律菜加上我愛嘅杰身黑醋，細節都唔馬虎。
由於氣氛令我地感覺唔舒服，最後用左45分鐘食完就走，埋身嘅職員都係冇咩笑容。希望只係年輕人開店缺少經驗，慢慢會改變啦。
张贴