影片
港铁太子站 D 出口, 步行约3分钟
继续阅读
开饭介绍
装修设计充满历史感的餐厅，门口有霓虹灯招牌，楼高两层，更设有飞镖及桌游，适合朋友聚会。食物颇有特色及创意，例如自创出麻婆豆腐芝士焗薯条。
继续阅读
附加资料
用餐时间为90分钟
营业时间
星期一
全日休息
星期二至日
12:00 - 15:00
17:30 - 22:00
公众假期
12:00 - 15:00
17:30 - 22:00
公众假期前夕
12:00 - 15:00
17:30 - 22:00
以上资料只供参考，请与餐厅确认详情
相关文章
之前试过晚市，今次试下午茶太耐冇食呢间，我都唔太记得，因为下午茶冇咩选择，大部分系甜品，10个有6个都话冇做，价钱都偏贵，所以只好叫返午餐菠萝炒饭🍍$65跟Apple juice 🧃 啲菠萝好少…提子干就多，不过佢系有鸡肉嘅，但系好似蒸滑鸡饭啲鸡咁🙈冇咩味道。未算好正宗，肉松条少少，腰果都系冇嘅，味道还好另配$18 虾饼两件，下次千万提自己不要点，佢完全唔系用虾整，系面粉做嘅😰不试也罢另一个叫左火车头猪颈肉炒饭$58+冻泰式奶茶$12个炒饭同平时食开嘅泰国餐厅有出入，冇泰式炒饭嘅惹味，洋葱🧅全部未熟，非常之呛味，而芥兰粒亦带苦味，成碟野唔系好夹再有加一服务费，下次都未必再食晚市餐牌比较多选择 朋友聚会食过两次 不过不失啦
继续阅读
位于太子嘅芳华绝代，打卡一流，两层高嘅餐厅满满嘅LED霓虹灯，工业风水泥装修加白色铁丝网，融合咗泰国夜市同现代感觉。$338二人套餐好抵食，仲唔洗逐样谂食咩1）去骨海南鸡 🐔 或 盐烧乌头 🐟好耐冇食海南鸡，所以拣咗海南鸡，如果拣乌头要加返$38都唔贵2）主食有好多款，包括金边粉、炒饭、咖哩、炭烧鸡扒，选择好丰富 🍛我哋拣咗泰式香叶肉碎煎蛋饭，超多肉碎，配上一只煎蛋3）小食拼盘 🍖🍤🍢炸鱼饼、炸虾饼、单骨鸡翼、春卷，都几大份4）冬荫公汤 🍲好大碗，够每人饮两碗，面头铺满芫茜，唔会太辣5）两款饮品 🍹🥤拣咗蜜糖西柚梳打（+$10）荔枝菠萝梳打（+$10）虽然已经好够嘢食，但点都要加番个菜，泰式炒椰菜苗 （$88）🥬辣椒加上铺满炸蒜，一啲都唔吝啬
继续阅读
最近搬了去太子，常常在玻璃窗望入去都见到有啲人入坐食嘢，再睇埋openrice啲like都唔少，于是今晚同朋友去试下呢间泰菜系咪真系得先？！由于第一次嚟食，唔敢叫得太疯狂，谂住叫啲最稳阵的款式试下先，所以只叫咗泰式海南鸡饭及猪颈肉沙律，若唔够食才再加单啦！(1) 泰式海南鸡饭碟饭嚟到竟然无跟海南鸡酱汁，要问侍应系咪有酱跟才在楼下拿上嚟，仲要系等咗好耐，跟住一食啲饭，系有椰汁味的，但啲饭偏硬，有啲位硬到我以为我食紧煲仔饭啲饭焦，再食埋啲鸡……哗！“鞋烚烚”真系“鞋”到要吐渣！真的搞唔掂(2) 猪颈肉沙律呢碟见到个卖相已经唔合格，完全求其捞埋一碟嘢咁，啲猪颈肉一食落口……又干又“鞋”嘅！因为切得太薄而且可能烧得太耐挂！总之，我食过咁多间泰菜餐厅，从未食过如此难食的泰菜……完全中伏！！
继续阅读
上OpenRice 睇到呢间好少负评同埋7点前埋单见有8折（连埋加一实质得九折）入到去环境都唔错几舒服！坐低左谂左一阵就决定左叫过2人餐加左过炒金边粉同埋一份串鸡！！！先讲个冬阴功，入面得啲菇就冇其他配料，同埋味道好差（第一次饮过咁差嘅冬阴功）呢个拼盘啲食物常干争争又系非常难食！呢个系茄汁炒金边，炒完出嚟啲虾系冻，又系好难食🤦呢份海南鸡仲衰过系街边烧味店买2十几3十蚊切鸡！呢个好似叫马沙文咖哩牛腩，啲牛腩白灼咗之后淋啲汁上去，又系非常难食！如果大家想感受直升机经过可以去试吓（伏伏伏伏！）总括嚟讲！（10分为满分）食物1分环境6分服务6分价钱1分
继续阅读
自从通关以来，就一直好想去泰国玩下食下，奈何冇假期😢咁唯有喺香港食泰国菜顶下瘾先啦！餐厅环境运用咗好多灯光去营造一个特色氛围，好多位都好适合打卡，而且感觉好chill好适合一班人去聚餐，现场都见唔少人系一班人喺度饮饮食食！一嚟见到个二人餐几抵食，包括有、小食拼盘、冬阴功汤、泰式海南鸡或烧乌头，仲可以拣一个主食，同埋配两杯嘢！泰式海南鸡我钟意海南鸡嘅肉质，属于比较有口感嘅鸡肉，唔系好似出面𠮶啲豆腐鸡咁好淋。而且佢鸡味都几浓，就咁食都好好味，如果想有酸酸辣辣嘅感觉就点下佢个泰式酱汁啦！小食拼盘佢呢个小食拼盘有4款嘢食，包括炸鱼饼、炸虾饼、炸春卷同埋炸鸡翼，份量都唔少㗎，而且所有嘢都系新鲜炸出嚟仲热辣辣。冬阴功汤分量足够两个人饮到两碗，酸酸甜甜咁样好开胃，仲有少少菇同埋蕃茄喺汤入边。菠萝炒饭呢个菠萝炒饭有埋鸡肉，而且啲鸡肉都几大旧仲好多件，仲有埋啲腊肠粒、提子干同埋啲菠萝一齐炒，整体嘅口感都几多层次！饮品饮品方便我选择咗价钱去叫佢哋嘅特色嘢饮，特别值得推介系珍多冰！我之前都未饮过呢款饮品，第一次饮觉得真系好好味，椰香椰奶都好浓岩晒我，仲有佢啲cendol口感软糯！我仲加钱叫埋甜品，食得泰国菜点可以冇芒果糯米饭。佢咁糯米饭仲系热辣辣嘅，配埋香甜嘅芒果，再加埋佢既椰酱系perfect match!
继续阅读