新斗記 (已搬遷) 新店位置

終於有機會食呢間野，食咗乳豬、薑蔥蠔、蒸蟶子、生炒骨。。。幾好食，但係泥鯭粥超鹹。而服務一絕！一開始阿姐呼喝你讓過上菜位俾佢，讓遲半步，塊面黑過墨斗。搵佢落單，殺氣騰騰沖過黎，好似好趕時間咁，都未講完應走咗。問佢攞個膠袋外賣，佢問你你睇唔到佢好忙咩？ 隔離張枱叫佢壺茶沖濃d，成個茶壺叼落張枱度，大聲呼喝: 係你叫濃d，唔好賴我。成間野，由上至下，唔係同啲客呼呼喝喝，就係自己樓面互相鬧交，怨氣爆錶。