慢煮屋 (已搬遷) 新店位置

今日叫左個照燒慢煮鳥肉芝士爆丼 同 慢煮牛腹扒拌麵，價錢為156，認為並不值呢個價。首先，照燒慢煮鳥肉芝士爆丼，雞肉ok唔鞋，算好食既，但份量 可能我男仔食覺得同飯既比例差得遠？ 多多一舊仔既雞肉就好了，啲飯就唔香，冇乜特別。但個慢煮牛腹扒…真係唔好食，慢煮既特點係唔會過熟、嫩同重肉味，呢間作為慢煮，感覺做得唔夠好，甚至有啲差。 望到啲色水係慢煮既，但好韌，咬到牙較都軟，肉味亦唔係超重，所以真係唔合格。麵係普通既黃麵，唔太突出，作為撈麵配佢個醬亦唔算好，配埋個溫度，暖暖地真係好怪，一係熱一係冷麵，暖麵真係不太好囉。 總結，未必會再黎，去食其他慢煮店可能仲好。