龍華酒店 (下禾輋)

营业中

休息中

好多年冇去過龍華酒店，Happy Friday就同屋企人老人家去懷舊一下，泊咗架車喺沙田警署對出嘅代客泊車，每架車$40，放低車匙就走得。好多年前未有升降機，要行過天橋都幾麻煩。好彩依家已經有升降機，方便老人家上落👍🏼👍🏼👍🏼行上龍華嘅小斜路，旁邊依然有幾隻孔雀同白鴿，但原來龍華已經裝修過，唔再係舊式酒家嘅裝潢。今晚得我同無食力嘅老人家，所以淨係order左一隻脆皮燒乳鴿、沙田雞粥、生磨杏汁白肺湯。隻乳鴿d肉係嫩滑嘅，不過就唔夠脆皮。雞粥個粥底好好食，不過略嫌d雞唔夠味。個白肺湯就⋯⋯真係算罷了⋯龍華酒店係好多香港人嘅回憶，就算食物味道冇以前咁好，但都好值得嚟回味下。