八月居 (海港城) (已結業)

比得成千蚊人情，當然想食好d，特別係唔太熟嘅朋友請我，如果食物質素差，真係想回水！不過今次去尖沙咀飲，食物出奇好食，仲令到我覺得抵比！最好食一定係個翅，d翅一梳梳，個湯又夠「傑」，味道好，真係比多幾分！我都掛著食無影到！鮑魚雖然細隻，但係竟然糖心，好好食啊！連d菜都好食！同台鬼佬都食到舉母指！不過隻蟹篋就弱d，瘦少而且炸過左龍，憹左少少！所以有剩，大家果然識食！不過場地就窄d，無舞台又無咩screen，都睇唔清台上發生咩事！但講食就唔錯啦！