翡翠江南 (已結業)

等候時間約一小時，今次係慶祝媽媽生日。問員工可否雪住個蛋糕先，第一時間說切餅費。要收切餅費都無問題但個經理好似好唔願意，原本一餐好好既生日飯就搞到大家唔開心！我地七大一小叫左約十個菜。但上菜次序錯哂！全部主菜上完之後先上前菜，最嬲係d職員見枱面已經放滿竟然叫我地食快d因為d餸冇位擺！真係超級嬲！態度好差！講返食物:炸鱔炸得好脆但剩係食到咕嚕肉味;醉乳鴿對我黎講題材幾新鮮，醉雞就食得多，但真係幾好味幾滑;媽咪鍾意食個羹，但其他餸菜一般。唔係好食但又唔算難食，總括因為出菜問題及員工服務態度差所以以後不會再來！