漢城美食 (已結業)

係尖咀個頭行過又想試食韓國野，所以就入去坐低。一入去見到個餐牌就覺得好注目，簡單既黑白對比但就有最大既效果。 佢個餐牌入面有哂中英韓三種文字黎寫，點都睇得明。 咁我就點左個人蓼雞湯+白飯$135，炸醬面$78，同埋D雞翼$68。 個餐廳環境乾淨，有風格，光線充足，令人覺得輕鬆舒服。但就有D冷清…. 咁佢就先上D前菜，有泡菜同個酸酸地既野食。個泡菜既酸度係可以接受，唔會味道過重，岩我依種唔中意食重口味既人。而另外一個好一般，食完都唔記得左。咁之後上左個人蔘雞湯啦。個時掛住食，唔記得左影個雞湯。 個人蔘雞湯，人蔘味係有，但淡，湯入面又唔多人蔘，依點有D失望。而個湯都有雞味，但雞味蓋過個人蔘味，依個都係意料中事，好既地方係佢有大大舊雞比你食，可以食得好飽。我個人中意加D湯入個飯到一齊食，味道都OK。  之後就叫多個炸醬面同朋友分黎食，個炸醬面既面條夠彈牙，份量以一人黎講係夠食，而個醬就小辣，有助入口，但個醬就唔多似我平時出面食個D，可能係間間既做法不一啦。最後，就黎多個雞翼做結尾小食。個雞翼應該係油雞翼，佢外皮就經過油炸，所以入口鬆脆，味道就中咸，不過都可以接受，上面加左D芝麻，令佢更脆口。