唔同人講就咁睇相好似去左酒樓食咁，其實呢間係大排檔👍🏼👍🏼
✨充滿香港人情味，夠曬地道的大排檔
唔好以為大排檔就冇好嘅服務，呢度既待應好細心 又有禮貌，服務很好喔！當見到我地自拍🤳侍應叔叔主動行過黎幫我地影相！
我哋食嘅嘢係蝦殼會主動幫我地換碟～
蒜蓉開邊蝦蒸飯⭐️⭐️⭐️⭐️⭐️必食推介！
成個小蒸鍋上碟，唔單止賣相好，仲非常足料👍🏼 d蝦🦐鋪哂成個面，幫我地開哂邊好細心💕唔洗自己剝蝦殼，岩哂我地d懶人！
本身有蒜蓉加蝦，d飯已經好香，仲要加埋塊大荷葉包住成個飯，真係想像下都聞到香味
呢個係🐻美食專員全晚至推介既小菜～大大份 飽肚又入味
咸鮮黃花魚 🐷🐻我地叫左清蒸 黎到見得d蔥喺面 都驚淡味 但點知最抵讚就係清蒸！✨因為完全試到條魚既鮮味阿～
▲又係另一誠意之作 🤟🏼
老闆話係喺魚塘直接拎返黎 保證新鮮🐟
魚肉真心嫩滑 🤤完全無腥味
魚骨有d幼骨 但唔算好多 唔識食魚既朋友都可以食到👏🏼
而且佢好細心咁幫你開左邊 咁就唔洗食到一半翻魚翻到爛哂啦~~
招牌咕嚕肉每次出去食大排擋or酒樓咕嚕肉都係必叫的～招牌咕嚕肉食得出鑊氣好夠，絕對唔會好似食緊粉團咁，炸粉完全唔厚。啲肉咬落去會索索聲，證明啲肉好新鮮先有呢個效果
小炒皇當為食小胖子猶豫緊叫咩蔬菜，侍應就提議小炒王。小炒皇聽就是聽個名，但未食過。侍應介紹入面有腰果、蝦乾、魷魚、韭菜、蝦🦐。
好彩有聽人介紹食小炒皇，因為好足料每樣配料都有很多，而且好惹味
已經食左一半都仲有咁多，好抵食👍🏼
