影片
更多
2022-07-27
54 浏览
#ftf_元朗食物一流 復古懷舊黑膠片咖啡店鵝肝軟殼蟹安格斯牛肉芝士漢堡配蕃薯條 $198⭐️⭐️⭐️⭐️⭐️你睇佢個漢堡幾豐厚！三種主要食材都完全冇偷工減料，勁巨型，啖啖肉，好滿足！作為專業吃貨，我真係冇辦法好似優雅嘅港女咁，用刀逐少逐少咁切黎食⋯⋯因為我想每一啖都食晒咁多種材料，哈哈哈！先講吓軟殼蟹，脆炸金黃又香口；鵝肝雖然未去到好高級嘅入口即溶，但有油香得黎完全冇帶半點膻同膩感；牛堡成呎厚，牛香味重， 好juicy！正正因為太巨大，而且美味多汁，食起上嚟有啲困難同狼狽，店員好細心，食完之後為我地提供一張濕紙巾，好窩心！旁邊既番薯條，簡直深得我心，番薯條表面上咗一層薄粉，非常酥脆可口！而且你可以睇到，乍得好乾身，完全冇多餘油份！燒BBQ汁燒豬肋骨 $168⭐️⭐️⭐️⭐️豬肋骨火候控制啱啱好，肉質鮮嫩軟淋，厚薄均勻，而且BBQ醬汁好入味，啖啖肉，一切就切得開，肉質完全唔會老！側邊嘅side dish同豬肋骨配搭得十分好，菠蘿同蕃茄仔酸酸甜甜加上翠玉瓜嘅清爽，大大減低罪惡感同膩感。沙律 跟餐加$30⭐️⭐️⭐️正常發揮，蔬菜新鮮，仲有牛油果，加分！🥑椰菜花忌廉湯配香蒜sourdough 跟餐加$30⭐️⭐️⭐️
食物一流 復古懷舊黑膠片咖啡店
鵝肝軟殼蟹安格斯牛肉芝士漢堡配蕃薯條 $198
⭐️⭐️⭐️⭐️⭐️
你睇佢個漢堡幾豐厚！三種主要食材都完全冇偷工減料，勁巨型，啖啖肉，好滿足！作為專業吃貨，我真係冇辦法好似優雅嘅港女咁，用刀逐少逐少咁切黎食⋯⋯因為我想每一啖都食晒咁多種材料，哈哈哈！先講吓軟殼蟹，脆炸金黃又香口；鵝肝雖然未去到好高級嘅入口即溶，但有油香得黎完全冇帶半點膻同膩感；牛堡成呎厚，牛香味重， 好juicy！正正因為太巨大，而且美味多汁，食起上嚟有啲困難同狼狽，店員好細心，食完之後為我地提供一張濕紙巾，好窩心！
旁邊既番薯條，簡直深得我心，番薯條表面上咗一層薄粉，非常酥脆可口！而且你可以睇到，乍得好乾身，完全冇多餘油份！
燒BBQ汁燒豬肋骨 $168
⭐️⭐️⭐️⭐️
豬肋骨火候控制啱啱好，肉質鮮嫩軟淋，厚薄均勻，而且BBQ醬汁好入味，啖啖肉，一切就切得開，肉質完全唔會老！側邊嘅side dish同豬肋骨配搭得十分好，菠蘿同蕃茄仔酸酸甜甜加上翠玉瓜嘅清爽，大大減低罪惡感同膩感。
沙律 跟餐加$30
⭐️⭐️⭐️
正常發揮，蔬菜新鮮，仲有牛油果，加分！🥑
椰菜花忌廉湯配香蒜sourdough 跟餐加$30
⭐️⭐️⭐️⭐️
個湯十分creamy，但一啲都唔Heavy，飲完唔會好滯，但口感好Rich。sourdough口感軟糯帶香蒜粒，有微微嘅香蒜味，唔使擔心食完蒜味會太重。
士多啤梨玫瑰梳打 $48
⭐️⭐️⭐️⭐️⭐️
士多啤梨味唔假，唔會似藥水，配埋淡淡玫瑰香味，味道清爽唔太甜。
熱情果梳打 $48
⭐️⭐️⭐️⭐️⭐️
甜到酸度比例剛好，夏日炎炎，酸酸微微，清新得來又開胃！
回頭率🤡🤡🤡🤡
性價比🤰🏻🤰🏻🤰🏻🤰🏻
#feedtiffood #吃吧孩子 #吃到懷孕
张贴
