Paul Cafe & Bistro (已結業)

明太子軟殼蟹意粉，味道OK既，成隻蟹咁擺上去個觀感都真係好唔錯😂冇咩特別既漢堡包薯條餐，塊漢堡乾身咗啲，薯條都脆既，但總係食落有油益味🥲呢個南瓜湯似罐頭果種，塊包係OK既。一杯凍啡，一杯西柚梳打(有驚喜)。

網上見到介紹哩間小店，所以約左朋友一試，平時行過見到但冇諗過幫襯，今次就試下。星期日中午時間去到，點知冇位要坐bar檯，個侍應小姐話有位會轉返俾我地，有位時佢地真係會主動轉返位俾我地👍🏻間店真係好細，加埋bar檯坐滿我估有14個位，位真係唔多，但舒適，仲要一讚侍應小姐，細細聲但好有禮貌，佢唔係熱情，但你feel到佢有禮貌，好好，又好配合間小店，好寧靜舒適。食物好好食，但唔平，份量偏少，女仔份量剛好，佢個牛角窩夫一流，大個少少就好喇😝約咗朋友下次再試意粉，應該唔會失望💖

🐾Paul Cafe & Bistro# When you start to wonder whether you can trust someone or not, that’s when you already know you don’t.- unknown🐈太真性情咩都講，但呢排發現咁樣唔多掂而困擾緊究竟職場上的同事是否可成為朋友🙈今次同友人C遠入元朗食佢深深推介的cafe🙈🐾自家製安格斯牛肉芝士漢堡配薯條 $92🐾Hot Hazelnut 套餐加$15之前有食過有牛羶味的漢堡包所以之後我都好少食🙈但好彩呢間無羶味之餘牛同芝士好夾，個包都夠軟熟，overall唔錯👍🏻薯條係粗身個款，即炸所以一上菜個時食夠曬熱🤤Overall體驗: 果然職場上都係奉行慎言主義就萬無一失，但偶爾要忍住唔講其實好難🙈就好似明知j漢堡包薯條唔健康，要少吃妙但都係偶爾會忍唔住咁🙈唯有去好食的店唔好浪費左個quota🤣Paul Cafe& Bistro👍🏻👍🏻👍🏻

今日同朋友入咗元朗行街，行到攰攰地搵間Cafe坐下，上OpenRice搜尋，就喺附近有一間，望落去都幾吸引，所以去咗試吓。Paul Cafe & Bistro 地址係元朗仁樂坊5號利發大廈地下D號舖。餐廳裝修得好有格調，好有懷舊復古feel，旁邊一部黑膠碟機充滿懷舊風情。一邊食餐廳播住啲音樂非常舒服窩夫全日早餐，賣相真係好靚，尤其是個炒蛋做到成朵花咁，先試下個窩夫外脆內軟，口感特別，裏面熱辣辣外面脆卜卜。炒蛋亦都做得好出色蛋味香濃，入口口感非常幼滑。Parma Ham配哈蜜瓜真係完美嘅配搭，沙律菜同車厘茄都好新鮮，入口味道清新，煙三文魚都捲到好似玫瑰花一樣，入口香滑味道鮮甜。呢個早餐除咗賣相好之外，相當有營養。明太子軟殼蟹意粉，呢個簡直係必食推介，明太子味道好鮮，帶少少鹹香，軟殼蟹亦都炸到好酥脆，意粉亦都做得啱啱好，軟硬度適中食落去有口感，好鍾意呢個味道。每人配一個南瓜忌廉湯加餐包，忌廉湯口感香滑，陣陣嘅南瓜味感覺好清新，配餐包真係一絕。最後梗係要整杯咖啡嘆下，焦糖咖啡味道香甜，焦糖味糖冋咖啡味配搭得啱啱好。

啲朋友成日問小妹到底元朗有咩好食，住左係元朗咁多年又真係唔覺得有咩餐廳係特別impressed。今日行行下街比間新開定係以前無乜點留意既餐廳吸引到我，原因係佢既裝修真係好靚！就係呢間Paul Cafe & Bistro啦，無論係門面定係入面，都好有復古feel，又用馬賽克磚，又放左唱片機係到，打卡一流！睇下menu，主打西餐、意粉，價錢唔會好貴，值得一試。今日小妹叫左個墨魚汁北海道珍寶帶子，帶子大大隻，兩邊煎到勁脆身勁香，中間依然嫩滑。意粉勁入味，唔會煲到淋晒痴到一舊舊，好食！燒豬肋骨，啲肉一切就開，勁嫩身，入口勁香濃豬味，面頭燒汁都好濃味，一流。隔離燒菠蘿好甜，咬落去勁多汁，一流！薄脆焦糖咖啡，白色好靚！飲落唔會好甜，反而係重咖啡味，淡淡焦糖香係口到慢慢散發出黎，好高質！朋友都話我無介紹錯，話絕對有下次咁添

青醬蘆筍意粉$70醬汁濃稠啱啱好，唔會太漏，意粉有薄薄油香，乾身有韌勁，再加上超幼嫩蘆筍同松子仁，感覺fresh又輕盈。明太子軟殼蟹意粉$78呢個嘅明太子醬相對就邪惡啲😈 惹味嘅醬汁裹住每條意粉，豐富嘅忌廉令意粉香味大增。軟殼蟹香脆可口，基本上我對軟殼蟹就0抵抗力😋+$25 沙律/湯 + 黑咖啡/梳打呢個$25相當抵，南瓜湯香甜濃郁，感覺真材實料又新鮮。麵包有筋度耐嚼，沙律清爽。裝修以暗綠為主，配以大理石桌面，燈飾輕奢風，一面落地窗，還有精緻的餐具杯碟，感覺可以作為悠閒午後咖啡店，夜晚也適宜稍為隆重約會呢 🍷

元朗多嘢食，就係人都知啦！不過要有高質嘅西餐，又要有舒服嘅座位，並且服務有好嘅餐廳，就唔多啦，終於比我喺元朗搵到你啦！呢間餐廳裝修好有美式小酒館嘅風格，朝頭早可以嘆咖啡，下午茶又有啲小食可以食下同朋友吹吓水，夜晚呢就變咗好有情調嘅西餐廳，啲音樂非常之舒服，夜晚仲可以飲酒添！我好鍾意佢啲裝修，坐入去嘅時候會令你覺得好舒服好放鬆，並且啲侍應都好好人呀，會同你傾偈啦，你會介紹吓餐廳嘅特色，睇得出佢哋都好有心去經營呢間小小嘅餐廳！邊間餐廳有頭盤去到甜品都好有心機㗎，尤其是佢嘅餐湯，個南瓜濃湯直程飲到你有初戀嘅感覺添，以煮食方面就樣樣都唔會差得去邊，睇得出個廚師非常之有心機去設計每一樣嘅出品，全部都好啱我嘅口味，因為佢係一間西餐廳而非普通嘅茶餐廳。基本上每一樣嘢都好食㗎，絕對唔會踩雷，你可以跟着我嗌嘢試吓囉！如果你想搵個地方正整地食吓嘢聽吓歌飲下咖啡，咁不妨喺假日嘅時候有一入元朗感受下呢種好我放鬆嘅感覺

同朋友喺元朗市中心想搵嘢食，行經安娜扒房隔離，見到有一間小店裝修幾靚復古懷舊主題，部黑膠唱片機好吸引到我，於是就同朋友一齊入去試試呢間餐廳。餐廳環境唔大，但坐得都幾舒服，店員仲好熱心咁介紹有啲咩嘢好食，感受到濃濃嘅人情味。同朋友一人嗌咗一個主食墨魚汁北海道珍寶帶子意粉配蘆筍 ($168)個帶子好大粒，咬落去好有鮮味，軟硬適中。墨魚汁意粉味道好好，試過其他餐廳食墨汁意粉食到好油膩，喺呢度就唔會。鵝肝軟殼蟹安格斯漢堡 （$198）漢堡好足料好大個，快鵝肝入口即溶，唔係低級野，安格斯牛肉煮得啱啱好，配埋一齊食好夾，成個包熱辣辣，好好食。飲品方面，叫咗mocha 同朱古力鮮奶，兩杯飲品甜度適中，都好好飲。總體來講，呢間小店環境唔錯，嘢食好好食，下次有機會一定再嚟幫襯。

元朗復古cafe小店🌸安格斯牛肉×軟殼蟹×鵝肝芝士漢堡🍔b$198 ⭐️⭐️⭐️⭐️⭐️包面用左牛油去烤，十分香口脆卜卜，第一層係軟殼蟹（香脆超juicy，還有蟹膏同蟹肉，傻婆T覺得好好味呀！）跟住鵝肝（煎到外脆內軟，超夠鵝油香味，配搭麵包一齊吃就唔會覺得油膩），然後🧀芝士蓋住安格斯牛肉（安格斯牛肉漢堡超有牛味，好多肉味，又唔會嚡口同唔會癡牙，食起上黎超滿足），最後有新鮮生菜🥬新鮮蕃茄🍅紫洋蔥🧅，層次十分豐富！必吃😋😋仲有配搭超香脆既薯條，傻婆們爭著吃，薯條既粗又脆，實在太好味啦！🌸燒BBQ汁燒豬肋骨(25Mins)$168⭐️⭐️⭐️⭐️⭐️兩大塊巨型豬肋骨，BBQ汁完全唔會遮蓋豬肋骨味，豬肋骨燒得剛剛好，有咬口，同埋唔太癡骨，很容易分離，可以用刀叉好斯文咁食。燒菠蘿🍍有驚喜，燒得剛剛好又新鮮，咬落即爆汁爆甜，好正👍🌸榛子鮮奶泡沫咖啡(ice)$46⭐️⭐️⭐️⭐️☆有淡淡的榛子味，鮮奶及咖啡配搭適中，夠凍，好味😋🌸「髒髒」咖啡(ice)$42⭐️⭐️⭐️⭐️☆好多牛奶，好重咖啡味，飲落好creamy 🌸🥕甘荀南瓜湯+$30 ⭐️⭐️⭐️⭐️⭐️🥕甘荀南瓜湯係餐廳自己打，一飲落好清甜既🥕甘荀味，啖啖既南瓜蓉，傻婆R麻麻地🥕甘荀都

#ftf_元朗食物一流 復古懷舊黑膠片咖啡店鵝肝軟殼蟹安格斯牛肉芝士漢堡配蕃薯條 $198⭐️⭐️⭐️⭐️⭐️你睇佢個漢堡幾豐厚！三種主要食材都完全冇偷工減料，勁巨型，啖啖肉，好滿足！作為專業吃貨，我真係冇辦法好似優雅嘅港女咁，用刀逐少逐少咁切黎食⋯⋯因為我想每一啖都食晒咁多種材料，哈哈哈！先講吓軟殼蟹，脆炸金黃又香口；鵝肝雖然未去到好高級嘅入口即溶，但有油香得黎完全冇帶半點膻同膩感；牛堡成呎厚，牛香味重， 好juicy！正正因為太巨大，而且美味多汁，食起上嚟有啲困難同狼狽，店員好細心，食完之後為我地提供一張濕紙巾，好窩心！旁邊既番薯條，簡直深得我心，番薯條表面上咗一層薄粉，非常酥脆可口！而且你可以睇到，乍得好乾身，完全冇多餘油份！燒BBQ汁燒豬肋骨 $168⭐️⭐️⭐️⭐️豬肋骨火候控制啱啱好，肉質鮮嫩軟淋，厚薄均勻，而且BBQ醬汁好入味，啖啖肉，一切就切得開，肉質完全唔會老！側邊嘅side dish同豬肋骨配搭得十分好，菠蘿同蕃茄仔酸酸甜甜加上翠玉瓜嘅清爽，大大減低罪惡感同膩感。沙律 跟餐加$30⭐️⭐️⭐️正常發揮，蔬菜新鮮，仲有牛油果，加分！🥑椰菜花忌廉湯配香蒜sourdough 跟餐加$30⭐️⭐️⭐️

星期五晚放工黎到呢間元朗西餐廳🍴見餐牌有我想食既墨汁意粉，就入左去店員服務好好，好親切咁介紹環境氣氛都好chill柔和燈光配合每枱嘅蠟燭白色窗簾襯墨綠色梳化凳幾適合情侶/ 朋友黎食飯傾計雖然餐牌選擇唔算多，但各個種類都有齊沙律、湯、小食、意粉、漢堡、豬、牛、羊、海鮮飲品選擇有各款咖啡、茶、酒我地揀左2個主菜 意粉同豬肋骨可以加30蚊要沙律/ 餐湯🥗🥣沙律新鮮，菜爽口餐包配餐湯都唔錯🍝墨魚汁北海道珍寶帶子意粉配露筍黑色花紋碟上既墨汁意粉 ，黑上黑用左偏幼身既意粉，意粉有咬口墨魚汁唔腥，帶子煎得岩岩好配菜露筍都全清雖然食到個咀黑晒，但十分推介🐷BBQ汁燒豬肋骨木板上，豬肋骨份量大配菜仲跟埋沙律同菠蘿BBQ醬汁岩岩好凍咖啡味道都唔錯☕ 不倒翁杯身設計加左大大粒波波冰，好似snowball咁冇揸車既朋友可以試下呢到既紅白酒~

餐廳位於元朗嘉城廣場附近，充滿文青feel嘅小店。落地玻璃佈置清雅脫俗又不失古典，店員服務到位非常有禮。餐廳室內空間不大，主要提供方枱及窗口嘅巴枱，但係隨意變化可以容納每枱二至八人。適合情侶或一班朋友都可以。餐湯/沙律+30餐湯順滑而綿密，賣相典雅有心思。沙律菜爽嫩，帶嚟健康嘅元素。鵝肝軟殼蟹牛肉芝士漢堡$198 漢堡包烤得非常脆香，一層鵝肝，一層牛肉，一層芝士，一層軟殼蟹，成件事非常之邪惡。伴碟配有炸番薯條，香脆可口，外香內甜。燒BBQ汁豬肋骨配燒菠蘿$168豬肋骨份量大份，有兩大塊咁多，一般女士都可能食唔晒。BBQ汁增加味道，略嫌燒味唔夠 ，但伴碟嘅燒菠蘿加分不少，餐廳還好細心將菠蘿切成一件件而又排列整齊，方便進食，燒過的菠蘿有火炙香味而又非常清甜多汁，帶來新鮮感。伴碟仲有薯條，簡直超值。朱古力鮮奶（熱）朱古力咖啡（熱）雅白色嘅杯子線條優美，帶有古典味，配上精美嘅拉花，別有一番風味，呷一口慢慢享受，為今晚帶嚟完美嘅句號。

今日放假🥳 睇完Top Gun就同阿媽出街搵食。呢間cafe嘅裝潢好有品味，座位舒服闊落，價錢又唔貴👍🏻☀️ 牛角窩夫全日早餐 $118有炒滑蛋、牛角窩夫、Parma ham、三文魚、煙肉、哈密瓜、車厘茄、沙律，賣相一流📸 炒滑蛋好夠creamy同有蛋香味；牛角窩夫係重點，外脆內軟；Parma ham同煙肉帶有鹹香味之餘又唔會太over；三文魚捲成玫瑰形狀，肉質都幾肥美；蔬果都好新鮮同清甜。高質ADB😋🦀️ 明太子軟殼蟹意粉 $88可能係我食過最好食嘅意粉之一‼️ 明太子撈埋彈牙嘅意粉一齊食真係好夾，而且份量唔少，隻軟殼蟹酥脆香口，係值得encore嘅意粉🤤+$30包沙律/湯 & 黑咖啡/梳打🎃 南瓜忌廉湯口感綿密、無顆粒感，唔會太黏稠。南瓜甜味啱啱好，仲附送一片麵包，感覺有啲似sourdough，好正😋☕️ 黑咖啡（凍）採用埃塞俄比亞嘅日曬豆，果酸明亮，帶有花香味，餘韻繚繞。粒冰唔會溶得好快以致溝淡咖啡。🍹 熱情果梳打（少冰）帶有自然嘅甜味，熱情果籽增添咬口，夏天飲好消暑。靚女staff態度好好💯 阿媽表示好鍾意呢度，話呢間係佢去過咁多cafe之中環境最靚最舒服嘅，仲想喺落雨天嘅時候再嚟，望

一進店就俾哥哥嘅聲音吸引到，望多兩眼，發現餐廳有一部黑膠唱片機。走去望，先知餐廳音樂正正就係哥哥嘅黑膠碟！！！同朋友分別叫咗兩個lunch set， 一個牛角窩夫all day breakfast 、一個明太子醬軟殼蟹意粉。一個set包black coffee或者熱情果梳打。同埋湯/沙律。南瓜湯好甜、好creamy。加埋一個口感好特別嘅餐包做前菜十分驚喜！ 個餐包唔係平時嘅質感，有少少麻糬嘅煙韌！好好食！明太子醬唔太膩！而且軟殼蟹好驚喜！成日都會食到啲得殼嘅軟殼蟹，但呢個軟殼蟹係好足肉㗎！仲好大隻！同朋友兩份分都好夠！All day breakfast都係充滿驚喜！有Parma ham! 哈密瓜！個牛角包窩夫十分脆口！ 回頭率十分高！！！

去到元朗緊係揾間咖啡店去chill下～ ❣️ 明太子軟殼蟹意粉 $88擺設得好靚呀, 佢係用左成隻既軟殼蟹放係上面，一d 都唔孤寒軟殼蟹炸到好脆, 入面d肉好鮮嫰同juicy。好好食呀!意粉軟硬度岩岩好, 份量勁多既明太子帶咸香味, 令味道更加突出。❣️ 牛角窩夫全日早餐 $118(牛角窩夫, 炒蛋, 煙肉, 牛油果, 巴馬火腿同哈蜜瓜)超豐富既全日早餐, 顏色又sharp~格外醒晨，牛角窩夫煮到外脆內軟,牛油味重而且好香個炒蛋炒到仲有蛋汁係到, 好嫩滑呀! 哈蜜瓜好鮮甜,配埋巴馬火腿! 簡直perfect match食完個咁豐富既即刻有動力。❣️ 美式咖啡（熱）$24咖啡味濃, 而且好香滑。❣️ 鮮奶咖啡（熱）$28香濃幼滑，一啖咖啡一路嘆住個早餐，好chill餐廳：Paul Cafe & Bistro📍元朗仁樂坊5號利發大廈地下D號舖Shop D, G/F, Lee Fat House, 5 Yan Lok Square, Yuen