Steak Bar (已結業)

難得星期日好天氣，一家人到赤柱走走吸收下陽光也是樂事。去到中環已經十二點多又未食早餐，經過藝穗會附近見到有間餐廳細細地但又幾骨子，於是入去食個悠閒午餐。餐廳是酒吧類形，我們上了二樓，大玻璃外看到紅磚牆的藝穗會，有點異國景緻，份外醒神。翻開餐牌，點了個香煎魚柳和吉列炸牛扒仲有和風紫菜薯條。個吉列牛扒真係好正，肉有咬口又多汁，再加上個醬汁調較得很開胃，一碗白飯真係唔多夠。加上我又鍾意食炸嘢，牛扒粒加吉列仲正過牛柳粒。至於個魚柳，真係有驚喜。我老公本身不愛吃魚又偏食，但呢塊煎魚柳俾我逼佢食左啖後就愛不釋口，同我清鬼哂。佢話同平時那些雪藏魚比呢塊真係無得比，好新鮮但又唔會滿口油。最後那個小吃紫彩薯條便是錦上添花，啲薯仔好食過快餐店那些，加埋杯嘢飲，真係爽。食飽大滿足，然後出走去赤柱閒逛半天了。