裕鵝莊 (已結業)

尖沙咀呢間燒鵝餐廳，價錢唔太貴但高質，唔使入深井，唔使去大排檔，鍾意食燒味中菜嘅朋友可以嚟試吓。招牌嘅燒鵝就一定要試吓啦，但我仲想試吓食其他野，就冇叫原隻燒鵝了。試咗個叉燒燒鵝雙拼飯，食燒鵝最怕食到燒鵝皮太肥，呢隻燒鵝就剛剛好，做得好出色。蜜汁叉燒一啲都唔比起燒鵝遜色，夠淰又半肥瘦。幾十蚊食到成隻燒鵝髀，大大碟嘅雙拼飯真係好抵。論質數出面既燒味餐廳無得同呢度比。同燒味好襯嘅海蜇，簡簡單單有芝麻，麻油就已經好香，配燒鵝食一流，推薦。試咗一個海鮮，蒜蓉粉絲蒸鮮魷，鮮魷好多好大碟，夠新鮮夠入味，蒜蓉粉絲撈飯都好好食。炸雞翼一碟有八隻，炸得好香，外邊仲有蜜糖味，入面仲係好多汁，好食過出面好多炸雞店嘅雞翼。椰香炸鮮奶，椰奶味好香濃，外面嘅炸粉唔會太厚又夠脆身，入面嘅鮮奶好甜好滑。食完一啲都唔覺得油膩。