火鍋撚 (日富里百好大廈) (已結業)

相信唔少朋友都試過約人食飯，而火鍋，更加係唔少香港人鍾意嘅選擇。坊間任食火鍋開到成行成市，但食物質素卻一般。而筆者今次選擇左一間雖然唔係任食嘅火鍋，但無論湯底或食物都高質嘅餐廳—火鍋撚。聽個名你會覺得好霸氣，但餐廳嘅裝潢更加霸氣。一入到去門口就會見到中國古時兵馬俑嘅裝飾，牆身畫上民族色彩嘅壁畫，感受到很濃厚文化氣息。然後我們點了招牌湯底蜂巢豆腐白湯鍋，湯底非常香濃，配上杞子、香蔥、洋蔥等熬製而成，真係好好味呀。然後食物首先叫左加拿大野生象拔蚌，十分爽口，非常新鮮。打邊爐當然唔少得肥牛啦，我地就點左極品安格斯肥牛，入口即融，果然一分錢一分貨，同普通肥牛有很大分別。而佢嘅滑滑拼盆有蝦滑同瑤柱干貝滑，佢係手打而成，所以非常彈牙，完全係食完想再食呀。另外亦都點左稻庭烏冬，同蝦滑一樣都係非常彈牙，所以我都十分推薦。最後點左龍蝦湯爆漿牛丸，呢個自家製嘅太筆者係從來未食過，估唔到又幾有驚喜，佢一咬入面啲龍蝦湯會爆出黎，真係好似飲緊龍蝦湯咁呀！最後佢送左芋圓糖水俾我地，為呢餐劃上完美句號。