Kale (已搬遷) 新店位置

小妹今日又有機會同男朋友撐床腳☺☺佢話想食漢堡, 就揀左係上環永樂街嘅kale。宜間野望出去嘅風景唔錯。坐耐d都幾舒服。男朋友發板叫左個雞肉漢堡, 炸芋頭條同蟹肉漢堡。先講講雞肉漢堡,個雞肉有d老,食落好“鞋”。薯條方面好香好脆。仲有個炸芋頭條, 味道還可以但係好冧, 唔似薯條咁岩岩炸起。重頭戲就係個蟹肉漢堡啦。非常好食, 炸得岩岩好, 鮮味仲係到, 加埋d配料真係好好味。整體黎講唔錯, 漢堡size唔會太, 岩哂女孩子嘅櫻桃小嘴👄份量唔會太多, 岩岩好。又好坐,值得一試嘅。